| e-texts navigator |
| Wylie |
134b1 བྱུང་མ་སྐྱེས་རང་བཞིན་གྱིས།། སྒྲོ་སྐུར་བྲལ་བར་རང་བྱུང་བའོ།། མ་ཧཱ་ཡོ་གའི་ལ་བཟླས་ནི།། སྲིད་གསུམ་སངས་རྒྱས་ཆོས་ཉིད་དེ།། སྒྱུ་མར་སྣང་བའི་ཆོས་ཉིད་ཀྱིས།། ཆོས་ཉིད་དག་ཏུ་རང་བྱུང་བའོ།། ཡོ་གའི་ཨ
134b2 ཏི་ཡོ་ག་ནི།། མཚན་མ་མེད་པའི་ཆོས་ཉིད་དེ།། མཚན་མ་མེད་པའི་རང་བཞིན་གྱིས།། མི་རྟོག་འབྲས་བུ་རང་བྱུང་བའོ།། ཡོ་གའི་ཨ་ནུ་ཡོ་ག་ནི།། ཡོངས་སུ་རྫོགས་པའི་ཆོས་ཉིད་དེ།། ལྷུན་གྱིས་གྲུབ་པའི་ཆོས་ཉིད
134b3 ཀྱིས།། བདེ་ཆེན་ཆོས་ཉིད་རང་བྱུང་བའོ།། ཡོ་གའི་མ་ཧཱ་ཡོ་ག་ནི།། རྨད་དུ་བྱུང་བའི་ཆོས་ཉིད་དེ།། ནམ་མཁའ་ལྟ་བུའི་ཆོས་ཉིད་ཀྱིས།། རྨད་བྱུང་རོལ་པའི་རང་བྱུང་བའོ།། ཡོ་ག་ཉིད་ཀྱི་ཡོ་ག་ནི།། ཀུན་ཀྱང་སངས
134b4 རྒྱས་ཆོས་ཉིད་དེ།། སྙིང་པོ་གཅིག་པའི་རང་བཞིན་གྱིས།། རྣམ་པར་དག་པར་རང་བྱུང་བའོ།། ཡོ་ག་བཞི་ཡི་ལ་བཟླས་པ།། རྩོལ་དང་བྲལ་བའི་ཆོས་ཉིད་དེ།། བསྒྲུབ་ཏུ་མེད་པའི་རང་བཞིན་གྱིས།། སྒྱུ་མ་ལྷུན་གྲུབ
134b5 རང་བྱུང་བའོ།། ཞེས་གསུངས་སོ།། བྱེ་བྲག་འབྱེད་པའི་མདོ་ལས། ཡོ་ག་རྣམ་པ་བཞི་བྱེ་བྲག་ཏུ་འབྱེད་པའི་ལེའུའོ།། །། དེ་ནས་ཡང་སེམས་དཔའ་ཆེན་པོ་དེ་ཡིས། འདུས་པའི་ཚོགས་ལ་ཡོ་ག་རྣམ་པ་བཞིའི
134b6 དོན་མདོའི་འགྲེལ་པ་འདི་གསུངས་སོ།། ཀྱེ་འདུས་པའི་ཚོགས་ཆེན་ད་ཉོན་ཅིག། ཡང་ནི་ཡོ་ག་རྣམ་པ་བཞི་པོ་ལས།། རྫོགས་ཆེན་ཨ་ཏི་ཡོ་ག་ལ།། དོན་གྱི་འགྲེལ་པ་འདི་གསུངས་སོ།། རྫོགས་ཆེན་ཨ་ཏི་ཡོ་གའི
iiif viewer powered by OpenSeadragon
