| e-texts navigator |
| Wylie |
134a1 ནི།། བརྗོད་དུ་མེད་པའི་ཆོས་ཉིད་དེ།། སྒྲོ་སྐུར་བྲལ་བའི་རང་བཞིན་གྱིས།། བདེ་བ་ཆེན་པོར་རང་བྱུང་བའོ།། ཨ་ནུ་ཡོ་གའི་ཨ་ཏི་ནི།། བྱང་ཆུབ་སེམས་ཀྱི་ཆོས་ཉིད་དེ།། རྒྱུ་རྐྱེན་བྲལ་བའི་རང་བཞིན
134a2 གྱིས།། གསང་བའི་ཡེ་ཤེས་རང་བྱུང་བའོ།། ཨ་ནུ་ཡོ་གའི་ཨ་ནུ་ནི།། དབྱིངས་དང་ཡེ་ཤེས་ཆོས་ཉིད་དེ།། ཐམས་ཅད་འབྱུང་བའི་རང་བཞིན་གྱིས།། ཆོས་ཀུན་ཡེ་ཤེས་རང་བྱུང་བའོ།། ཨ་ནུ་ཡོ་གའི་མ་ཧཱ་ནི།། ཐབས
134a3 དང་ཤེས་རབ་ཆོས་ཉིད་དེ།། འདུ་འབྲལ་མེད་པའི་རང་བཞིན་གྱིས།། གཉིས་མེད་བདེ་བ་རང་བྱུང་བའོ།། ཨ་ནུ་ཡོ་གའི་ཡོ་ག་ནི།། སེམས་ལ་རྫོགས་པའི་ཆོས་ཉིད་དེ།། བླང་དོར་མེད་པའི་རང་བཞིན་གྱིས།། ལུང
134a4 ཆེན་སྟོན་པར་རང་བྱུང་བའོ།། ཨ་ནུ་ཡོ་གའི་ལ་བཟླས་ནི།། འདུ་འབྲལ་མེད་པའི་ཆོས་ཉིད་དེ།། གཟུང་འཛིན་བྲལ་བའི་རང་བཞིན་གྱིས།། ཆོས་ཉིད་ཟབ་མོ་རང་བྱུང་བའོ།། མ་ཧཱ་ཡོ་གའི་ཨ་ཏི་ནི།། ཆགས་པ་མེད
134a5 པའི་ཆོས་ཉིད་དེ།། གཟུང་འཛིན་བྲལ་བའི་རང་བཞིན་གྱིས།། བདེ་བའི་ཡེ་ཤེས་རང་བྱུང་བའོ།། མ་ཧཱ་ཡོ་གའི་ཨ་ནུ་ནི།། དུས་གསུམ་གཅིག་པའི་ཆོས་ཉིད་དེ།། ཆོས་སྐུ་གཅིག་པའི་རང་བཞིན་གྱིས།། ཆེ་བའི་བདེ།
134a6 བ་རང་བྱུང་བའོ།། མ་ཧཱ་ཡོ་གའི་མ་ཧཱ་ནི།། བླང་དོར་མེད་པའི་ཆོས་ཉིད་དེ།། མི་གཡོ་མི་བསྐྱོད་རང་བཞིན་གྱིས།། མཉམ་པའི་བདེ་བ་རང་བྱུང་བའོ།། མ་ཧཱ་ཡོ་གའི་ཡོ་ག་ནི།། གཅིག་ཏུ་འདས་པའི་ཆོས་ཉིད་དེ།། མ
iiif viewer powered by OpenSeadragon
