| e-texts navigator |
| Wylie |
132a1 གནས་ཀྱི་མཆོག། སྤྲོས་མེད་གནས་ཀྱིས་ཀུན་ཏུ་ཁྱབ།། ཀུན་བཟང་ཆོས་སྐུའི་གནས་ཆེན་ནོ།། སྟོན་པ་ལོངས་སྤྱོད་གནས་ཆེན་ནི།། འོག་མིན་འོག་མིན་གནས་འོག་མིན།། རིན་ཆེན་གཞལ་ཡས
132a2 བཀོད་པ་ན།། རིན་ཆེན་ཁང་བུ་བརྩེགས་གནས་སོ།། སྟོན་པ་སྦྲུལ་སྐུའི་གནས་ཆེན་ནི།། རྒྱུད་ལྔའི་ལམ་དང་འགྲོ་དྲུག་གནས།། ཁམས་གསུམ་ཐུགས་རྗེ་སྤྲུལ་པའི་གནས།། ཐུགས་རྗེ་ནམ་མཁའི་མཐའ་དང
132a3 མཉམ།། གནས་ལ་འདི་ཞེས་ངེས་པ་མེད་པ་བསྟན།། དེ་ནས་འདུས་པའི་ཚོགས་རྣམས་ཀུན།། དུས་ཀྱི་རང་བཞིན་འདི་བསྟན་ཏོ།། སྔ་མ་ཕྱི་མ་ད་ལྟར་གསུམ།། ཁྱད་པར་མེད་པའི་དོན་འདི་བསྟན།། དུས་གསུམ
132a4 མེད་དེ་ཁྱབ་པར་གཅིག། ཀུན་བཟང་ཡེ་ཤེས་མཆོག་ཐུགས་ལ།། སྔ་མ་མི་འགག་ཕྱི་མི་འགྲིབ།། རྣམ་པའི་ཁྱད་པར་དུས་གཅིག་ཏུ།། ཡེ་ཤེས་སོ་སོར་གསལ་ཁྱབ་མེད།། སྐྱེ་འགག་མེད་པར་ཁྱད་པར་གཅིག། དུས
132a5 སུམ་ཡོད་པར་བལྟ་བ་ནི།། མ་བྱང་བསྒྲིབས་པའི་སེམས་ཅན་རྣམས།། སེམས་ནི་སྒྲིབ་པ་བག་ཆགས་ཏེ།། མེད་པའི་ཡུལ་ལ་རྣམ་རྟོག་པས།། སྔ་མ་འགགས་ལ་དེ་མི་གནས།། ཕྱི་མ་མ་བྱུང་སྒྲིབ་མི་མཐོང་།། དུས
132a6 གསུམ་གཅིག་ལ་གསུམ་དུ་མཐོང་།། འདས་དང་མ་བྱོན་ད་ལྟར་ཞེས།། མེད་པའི་ཡུལ་ལ་རྣམ་རྟོག་པས།། ཐ་སྙད་མིང་ལ་ངེས་པ་མེད།། ཅེས་གསུངས་སོ།། ཕུན་སུམ་ཚོགས་པའི་མདོ་ལས། བསྟན་པ་གནས་དུས
iiif viewer powered by OpenSeadragon
