| e-texts navigator |
| Wylie |
130b1 ལ།། འཁོར་དང་སྟོན་པ་རང་བཞིན་ཚང་།། ཆོས་ཉིད་རྫོགས་པ་ཆེན་པོ་ལ།། བརྒྱད་ཁྲི་བཞི་སྟོང་ཐེག་པའི་འཁོར།། རྒྱུ་དང་འབྲས་བུར་འབྲེལ་བས་ན།། དེས་ན་ཐེག་འཁོར་ཕུན་སུམ་ཚོགས།། དཔེར་ན་བྱང་ཆུབ
130b2 སེམས་ཉིད་ལ།། འཁོར་དང་སྟོན་པ་རང་བཞིན་ཚང་།། བྱང་ཆུབ་སེམས་ཀྱི་སྙིང་པོ་ལ།། རྣམ་ཤེས་འཁོར་དང་སྐྱེ་མཆེད་འཁོར།། ཡུལ་དང་དབང་པོ་འདུས་པས་ན།། དེས་ན་ཁམས་དང་སྐྱེ་མཆེད་འཁོར།། དེ་འཁོར
130b3 ཕུན་སུམ་ཚོགས་པ་བཞིན།། སྟོན་པའི་འཁོར་ཡང་དེ་འདྲ་སྟེ།། སྟོན་པ་ཆོས་ཀྱི་སྐུའི་འཁོར་ནི།། དུས་གསུམ་སངས་རྒྱས་བཞུགས་པ་དང་། ཁམས་གསུམ་རྒྱུད་དྲུག་སེམས་ཅན་དེ།། འཕགས་པའི་ཐུགས་རྗེས་སེམས
130b4 ཅན་ལ།། འབྲེལ་པ་ཕུན་སུམ་ཚོགས་པར་བཤད།། སྟོན་པ་ལོངས་སྤྱོད་སྐུའི་འཁོར་ནི།། མི་རྟོག་ཏིང་འཛིན་བཅུ་སྦྱངས་པའི།། ས་ལ་གནས་པའི་བྱང་ཆུབ་པ།། ཉོན་མོངས་མི་གནས་ཤེས་བྱ་སྦྱངས།། ཡེ་ཤེས་ཚོགས
130b5 དང་ཐུགས་རྗེ་འབྲེལ།། དེས་ན་ཕུན་སུམ་ཚོགས་ཞེས་བྱ།། སྟོན་པ་སྤྲུལ་པའི་སྐུའི་འཁོར་ནི།། སྐུ་སྦྲུལ་ཐུགས་རྗེ་དྲུག་སྣང་བས།། འཁོར་ཡང་རྒྱུད་དྲུག་སེམས་ཅན་ནོ།། ལས་དང་ཐུགས་རྗེས་འབྲེལ་པ་ན།། འཁོར
130b6 ནི་ཕུན་སུམ་ཚོགས་ཞེས་བྱ།། ཞེས་གསུངས་སོ།། ཕུན་སུམ་ཚོགས་པའི་མདོ་ལས། འཁོར་ཕུན་སུམ་ཚོགས་པ་བསྟན་པའོ།། །། དེ་ནས་སེམས་དཔའ་ཆེན་པོ་དེས།། འདུས་པའི་ཚོགས་ལ་བསྟན་པ་ཕུན་སུམ
iiif viewer powered by OpenSeadragon
