| e-texts navigator |
| Wylie |
130a1 གནས་ཆོས་ཀྱི་སྐུ་རུ་བཞུགས།། རང་བྱུང་ཡེ་ཤེས་རང་བཞིན་ནི།། རྫོགས་པའི་ལོངས་སྤྱོད་སྐུ་རུ་བཞུགས།། ཐུགས་རྗེ་སྤྲུལ་པའི་རང་བཞིན་ནི།། རྣམ་པ་ཅིར་ཡང་སྤྲུལ་ཏེ་བཞུགས།། མི་གནས་ཆོས
130a2 སྐུར་བཞུགས་ཙམ་ན།། འཁོར་ཡང་བྱང་ཆུབ་སེམས་སུ་བཞུགས།། བྱང་ཆུབ་སེམས་ཀྱི་འཁོར་རྣམས་ལ།། སྤྲོས་པ་མེད་པའི་དོན་ཡང་སྟོན།། ལོངས་སྤྱོད་རྫོགས་སྐུར་བཞུགས་ཙམ་ན།། འཁོར་ཡང་བྱང་ཆུབ་སེམས
130a3 དཔའི་འཁོར།། བྱང་ཆུབ་སེམས་དཔའི་འཁོར་རྣམས་ལ།། སྐུ་དང་ཡེ་ཤེས་རྫོགས་པར་སྟོན།། སྣ་ཚོགས་སྦྲུལ་སྐུར་བཞུགས་ཙམ་ན།། འཁོར་ཡང་རྒྱུད་དྲུག་སེམས་ཅན་འཁོར།། རྒྱུད་དྲུག་སེམས་ཅན་འཁོར་རྣམས
130a4 ལ།། ཡིད་བཞིན་དབང་པོ་གང་འཐད་སྟོན།། ཞེས་གསུངས་སོ།། ཕུན་སུམ་ཚོགས་པའི་མདོ་ལས། སྟོན་པ་ཕུན་སུམ་ཚོགས་པ་བསྟན་པའོ།། །། དེ་ནས་སེམས་དཔའ་རྡོ་རྗེ་དེས། འདུས་པའི་ཚོགས་ལ་འཁོར
130a5 ཕུན་སུམ་ཚོགས་པའི་རང་བཞིན་འདི་བསྟན་ཏོ།། ཀྱེ་འདུས་པའི་ཚོགས་ཆེན་ད་ཉོན་ཅིག། གང་ལ་འདུ་ཞིང་འཕེལ་བ་དག། དེ་ལ་འཁོར་ཞེས་བཏགས་པ་ཡིན།། དཔེར་ན་སྲིད་པའི་ཆོས་ལ་ཡང་།། འཁོར་དང་སྟོན
130a6 པ་རང་བཞིན་ཚང་།། ནམ་མཁའ་ལྟ་བུའི་སྟོན་པ་ལ།། འབྱུང་ཆེན་བཞི་དང་སྣང་སྲིད་འཁོར།། རང་བཞིན་ཆོས་ཀྱིས་འགྲེལ་བས་ན།། དེས་ན་སྣང་སྲིད་འཁོར་ཕུན་ཚོགས།། དཔེར་ན་ཆོས་ཉིད་ཀུན་བཟང
iiif viewer powered by OpenSeadragon
