| e-texts navigator |
| Wylie |
12b1 ཡི་རང་བཞིན་བསྟན།། གཅིག་ནི་ང་ཉིད་སྙིང་པོ་སྟེ།། གཉིས་བྱུང་ང་ཡིས་བྱས་པ་སྟེ།། བྱས་པའི་ཆོས་ལ་བགྲངས་པ་ཡིན།། གྲངས་ཀྱི་དོན་ནི་གཅིག་དང་གཉིས།། གྲངས་ཀྱི་མཐའ་ནི་བརྗོད་དུ་མེད།། བརྗོད་མེད
12b2 ཆོས་ཀྱི་སྙིང་པོ་ཡིན།། བརྗོད་མེད་སྙིང་པོ་གཅིག་ཏུ་བསྟན།། གཅིག་ནི་ཀུན་བྱེད་བྱང་ཆུབ་སེམས།། བྱས་པའི་ཆོས་ནི་རྣམ་པ་གཉིས།། རྒྱུ་དང་འབྲས་བུ་རྣམ་གཉིས་ལས།། དོན་དམ་ཀུན་རྫོབ་རྣམ་གཉིས
12b3 ཀྱིས།། དཔེ་དོན་རྟགས་དང་གཏན་ཚིགས་སུ།། ངེས་ལུང་དྲང་ལུང་གཉིས་སུ་བཤད།། རྒྱུ་ནི་འབྱུང་ཆེན་རྣམ་ལྔ་ལ།། འབྲས་བུ་ཁམས་གསུམ་སེམས་ཅན་ཡིན།། ཁམས་གསུམ་སེམས་ཅན་རྒྱུ་བྱས་ནས།། འབྲས་བུ
12b4 སངས་རྒྱས་མིང་བཏགས་ཏེ།། རྒྱུ་འབྲས་དཔེ་དོན་དེ་རུ་བསྟན།། རྒྱུ་ནི་ཁམས་གསུམ་སེམས་ཅན་ལ།། འབྲས་བུ་སངས་རྒྱས་ལུང་བསྟན་པ།། དེ་ནི་དྲང་བའི་ལུང་དུ་བཤད།། རྣམ་པ་གཉིས་སུ་དབྱེ་བར་བྱ།། རྒྱུ་ནི
12b5 འབྱུང་ཆེན་རྣམ་ལྔ་ཡིན།། བྱས་པའི་ཆོས་ནི་ཐམས་ཅད་ཀུན།། སེམས་ཉིད་མངོན་དུ་ཕྱུང་བ་ཡིན།། དེ་བཞིན་ཉིད་དུ་མ་གཏོགས་པར།། མ་རིག་ལོག་རྟོག་གཟུང་འཛིན་གྱིས།། ཡུལ་དྲུག་ཆོས་ལ་ངེས་བརྟགས
12b6 པས།། འཇིག་པ་དྲུག་དང་བརྟེན་པ་དྲུག། འཇིག་རྟེན་ཞེས་སུ་བཤད་པ་ཡིན།། ཡུལ་དྲུག་ཆགས་པ་དྲུག་བརྟེན་ནས།། ཆགས་དྲུག་སྡུག་བསྔལ་ཡང་ལ།། མྱ་ངན་མྱ་ངན་ཞེས་སུ་བཤད།། མྱ་ངན་མྱ་ངན་འདས་ཞེས
iiif viewer powered by OpenSeadragon
