| e-texts navigator |
| Wylie |
12a1 ནི།། ཆེན་པོ་ལྔ་དང་རིགས་དྲུག་སྣང་བ་དང་།། དེ་ཡི་དོན་མཛད་གཟུགས་སྐུ་རྣམ་གཉིས་ནི།། སེམས་ཀྱི་རང་བཞིན་དག་ཏུ་ཕྱུང་ནས་བགྲངས།། ཞེས་བཀའ་སྩལ་ཏོ།། དེ་ནས་སེམས་དཔའ་རྡོ་རྗེས
12a2 ཞུས་པ། ཀྱེ་ཀུན་བྱེད་རྒྱལ་པོ་ཨེ་མ་ཧོ།། ཀུན་དུ་བཟང་པོ་ཨེ་མ་ཧོ།། བྱང་ཆུབ་སེམས་ཁྱོད་ཨེ་མ་ཧོ།། དང་པོར་བྱང་ཆུབ་སེམས་ལངས་ནས།། རང་དང་ཆོས་རྣམས་མ་ཤེས་ནས།། ཀུན་མཁྱེན་ཁྱེད་ཀྱི་འཁོར་དུ
12a3 འདུས།། ཞུ་བའི་དམིགས་ནི་མི་ཚ་བས།། ཀུན་མཁྱེན་ཁྱོད་ཀྱིས་བཀའ་སྩལ་པ།། ཆོས་རྣམས་གཅིག་ཏུ་འདུས་པར་ནི།། བྱང་ཆུབ་སེམས་མདོ་བཀའ་སྩལ་ན།། གཅིག་ལ་གཉིས་སུ་བསྟན་པ་ཡི།། རྣམ་གྲངས་དོན
12a4 འདི་ཇི་ལྟར་ལགས།། ཞེས་ཞུས་སོ།། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་བཀའ་སྩལ་པ། ཀྱེ་ང་ནི་ཡེ་ནས་ལྷུན་གྱིས་གྲུབ།། ང་ནི་སངས་རྒྱས་ཐམས་ཅད་ཀྱི།། ལྷུན་གྱིས་གྲུབ་པའི་སྙིང་པོ་ཡིན།།
12a5 ནི་ཐུགས་རྗེའི་ངོ་བོ་སྟེ།། གང་ལ་དགའ་བའི་དུས་སུ་ནི།། གང་དགའ་བ་ཡི་དོན་བྱའི་ཕྱིར།། ང་ཡིས་བྱས་པའི་དོན་བསྟན་གྱིས།། སེམས་དཔའ་རྡོ་རྗེ་ཁྱོད་ཉོན་ཅིག། གཅིག་ལ་དགའ་བ་དེ་ལ་ནི།། ཆོས་རྣམས
12a6 གཅིག་ཏུ་འདུས་པའི་ཕྱིར།། བྱང་ཆུབ་སེམས་ཀྱི་ངོ་བོ་སྟེ།། སེམས་ཀྱི་ངོ་བོ་ཀུན་བྱེད་བསྟན།། མཚན་མ་གྲངས་ལ་དགའ་བ་ལ།། ཀུན་བྱེད་རྒྱལ་པོས་བྱས་པ་ཡི།། སྣ་ཚོགས་བརྗོད་ཀྱིས་མི་ལང་བསྟན།། དེ་ཡང་ང
iiif viewer powered by OpenSeadragon
