| e-texts navigator |
| Wylie |
129b1 པའི་ཡུལ་མེད་མཉམ་དང་བྲལ།། ཏིང་འཛིན་སྤྲོས་དང་བྲལ་བའི་ཆོས་ཉིད་ལ།། ཐ་ཚིག་ཕྱི་དང་ནང་དུ་བགྲང་བྱ་མེད།། ཆོས་ཉིད་བགྲང་དུ་མེད་པའི་ཕུང་པོ་འདི།། ནམ་མཁའ་བགྲང་དུ་མེད་པའི་ཁམས་བཞིན
129b2 གནས།། སྔ་མ་ད་ལྟ་ཕྱི་མ་དུས་གསུམ་དུ།། ནམ་མཁའ་ལྟ་བུ་འདི་དང་མི་འབྲལ་བས།། ཕྱི་ནི་འདི་ཡིན་ནང་ནི་འདི་ཡིན་ཞེས།། ཀུན་རྫོབ་མིང་ཙམ་ངེས་པར་བརྟག་པ་མེད།། ཅེས་གསུངས་སོ།། རྣམ་པར
129b3 བགྲང་བའི་མདོ་ལས། དོན་གྱི་འགྲེལ་པའི་ལེའུ་སྟེ་གསུམ་པ་རྫོགས་སོ།། །། དེ་ནས་སེམས་དཔའ་ཆེན་པོ་དེས། འདུས་པའི་ཚོགས་ལ་ཕུན་སུམ་ཚོགས་པ་ལ་གནས་ནས་བཤད་པའི་ཕྱིར། ཕུན་སུམ་ཚོགས
129b4 པའི་མདོ་འདི་བཤད་དོ།། ཀྱེ་འདུས་པའི་ཚོགས་ཆེན་ད་ཉོན་ཅིག། ཀུན་བཟང་རྒྱལ་བ་མཆོག་གི་ལྷ།། བྱང་ཆུབ་སེམས་ཀྱི་སྙིང་པོ་ཡིན།། ཀུན་གྱི་སྟོན་པ་བྱང་ཆུབ་སེམས།། སྟོན་པས་བསྟན་པའི་འཁོར་ཚོགས
129b5 པས།། དུས་དང་གནས་ནི་རང་བཞིན་འདུས།། སྟོན་པ་བྱང་ཆུབ་སྙིང་པོ་ནི།། ཆོས་ཉིད་དབྱིངས་ཀྱི་གནས་ཆེན་དུ།། སངས་རྒྱས་སེམས་ཅན་འཁོར་ཚོགས་ནས།། སྔ་ཕྱི་མེད་པའི་བསྟན་པ་ནི།། རང་རིག་ཡེ་ཤེས
129b6 རིག་པའི་རྒྱལ།། རང་བཞིན་རྣམ་པ་གསུམ་སྣང་སྟེ།། མི་གནས་སེམས་ཀྱི་རང་བཞིན་དང་།། རང་བྱུང་ཡེ་ཤེས་རང་བཞིན་དང་།། ཐུགས་རྗེ་སྤྲུལ་པའི་རང་བཞིན་ནོ།། བྱང་ཆུབ་སེམས་ཀྱི་རང་བཞིན་ནི།། མི
iiif viewer powered by OpenSeadragon
