| e-texts navigator |
| Wylie |
129a1 རྒྱས་ཐམས་ཅད་ཀྱིས།། སྔར་གྲུབ་དགོངས་པ་འདི་ཡིས་གྲུབ།། ད་ལྟར་བཞུགས་པའི་རྣལ་འབྱོར་པ།། མི་ཡེངས་དགོངས་ལམ་འདི་ལ་གནས།། སླད་ནས་བྱོན་པའི་གདུང་འཚོ་བ་རྣམས།། དགོངས
129a2 པའི་ལུང་བསྟན་འདི་ཡིས་མཛད།། གང་སུ་འདི་ལ་གནས་པ་ཡི།། དེ་ནི་རྣལ་འབྱོར་ཆེན་པོ་ཡིན།། ལུས་ནི་གང་ཟག་འཇིག་རྟེན་ཡང་།། སེམས་དགོངས་རྫོགས་ཆེན་སངས་རྒྱས་ཡིན།། འདི་ཡིས་སེམས་ཅན་དོན
129a3 བྱས་ཀྱང་།། དོན་ལ་ནོར་བ་ངེས་མི་འབྱུང་།། ཡིན་པ་དག་ལ་ནོར་བ་མེད།། ངེས་པ་དག་ལ་ཐེ་ཚོམ་མེད།། རྫོགས་པ་ཆེན་པོའི་ལུང་འདི་ལ།། ཡོད་མེད་ཚིག་དང་མ་ངེས་པའི།། དོན་ལ་འདའ་བ་མི་མངའ
129a4 བས།། བརྗོད་པའི་ཚིག་ལས་འདའ་མི་མངའ།། ཞེས་གསུངས་སོ།། རྣམ་པར་བགྲང་བའི་མདོ་ལས། འཇིག་རྟེན་ལས་འདས་པའི་ལེའུ་སྟེ་གཉིས་པའོ།། །། དེ་ནས་སེམས་དཔའ་རྡོ་རྗེ་དེས། འདུས་པའི་ཚོགས
129a5 ལ་རྣམ་པ་གཉིས་སུ་བགྲང་བའི་དོན་གྱི་མདོའི་འགྲེལ་པ་འདི་གསུངས་སོ།། ཀྱེ་འདུས་པའི་ཚོགས་ཆེན་དེ་ཉོན་ཅིག། ཕྱི་ནང་སྣོད་བཅུད་གཉིས་ཀ་སྣང་བའི་ཕྱིར།། དོན་དམ་སྐྱེ་བ་མེད་པས་ཕྱི་དང་ནང་།། མ་སྐྱེས
129a6 ཟབ་མོ་དེ་ཡི་ཆ་ཤས་ནི།། དམིགས་པའི་ཡུལ་དུ་མ་གྱུར་རྟོག་ཡུལ་མེད།། སྲིད་པའི་ཕྱི་ནང་འདི་ནི་མིང་ཙམ་སྟེ།། དོན་དམ་མ་ཡིན་ལོག་པའི་སྟོབས་སུ་སྣང་།། དེས་ན་ཕྱི་ནང་རྟོག་པའི་ཏིང་འཛིན་ནི།། ཆ་ཤས་རྟོགས
iiif viewer powered by OpenSeadragon
