| e-texts navigator |
| Wylie |
127b1 རློབ་པར་བྱེད།། དེ་ཡང་ཇི་ལྟ་བུ་ཞེ་ན།། སྡུག་བསྔལ་སྤོང་བའི་ཉན་ཐོས་དེ།། བདེན་པ་བཞི་ཡི་སྒོར་ཞུགས་ནས།། ཡེ་ཤེས་ཡུལ་མེད་བཅུ་དྲུག་གིས།། གང་ཟག་མཚན་མའི་ཡུལ་འདི་ལ།། བདག་རྟག་བྱས་པ་མེད
127b2 པར་བལྟ།། ཆོས་ལ་མེད་པའི་དོན་མ་རྟོགས།། སྙིང་པོ་བྱང་ཆུབ་སེམས་དེ་ནི།། སྤྲོས་དང་བྲལ་བའི་བདག་ཉིད་ཡིན།། མཐའ་ཡོད་མཐའ་རུ་ལྟུང་མི་འགྱུར།། ཤེས་པ་འགེག་པའི་རང་རྒྱལ་ནི།། རྟེན་འབྲེལ་བཅུ
127b3 གཉིས་སྒོར་ཞུགས་ནས།། ཆོས་ནི་རྣམ་པ་བཅོ་ལྔ་ལ།། གཅིག་ལ་བདག་ཡོད་མ་རྟོགས་ཏེ།། གཞན་ལ་བདག་མེད་ཡོངས་མ་རྟོགས།། སྙིང་པོ་བྱང་ཆུབ་སེམས་འདི་ནི།། ཐམས་ཅད་མེད་པའི་སྙིང་པོ་ཡིན།། ཡོད་པའི
127b4 མཐའ་རུ་ལྟུང་མི་འགྱུར།། རྣམ་རྟོག་སྦྱོང་བའི་མདོ་སྡེ་ནི།། བདེན་པ་གཉིས་ཀྱི་རྟོག་དཔྱོད་ཀྱིས།། ཆོས་ཉིད་སྤྲོས་དང་བྲལ་བ་དེ།། རང་བཞིན་མེད་པར་རྟོགས་པ་དང་།། ཆོས་དང་གང་ཟག་གཉིས་ཀ་ལ།། བདག
127b5 མེད་པར་ནི་རྟོགས་པ་ཡིས།། བདེན་དང་ངེས་པའི་ས་ནི་ཐོབ།། རྟོག་དཔྱོད་འདས་པའི་ས་འདི་ལ།། བསྐལ་གསུམ་བར་དུ་བརྟག་ཅིང་སྦྱོང་།། བྱ་བ་རྒྱུད་ཀྱི་ཀྲི་ཡཱ་ནི།། གཟའ་དང་རྒྱུ་སྐར་དུས་ཚིགས་དང་།། དག་པ
127b6 རྣམ་གསུམ་སྒོར་ཞུགས་ནས།། གཟུང་དང་འཛིན་པའི་ཏིང་འཛིན་གྱིས།། རྡོ་རྗེ་འཛིན་དང་རིགས་གསུམ་ས།། མི་མཉམ་ཚུལ་དུ་ལམ་ཞུགས་ནས།། མི་ཚེ་བདུན་གྱིས་རིག་འཛིན་ས།། གཟུང་འཛིན་འདས་པའི་ས
iiif viewer powered by OpenSeadragon
