| e-texts navigator |
| Wylie |
126b1 གཉིས།། དགེ་སྡིག་ལས་ཀྱི་ཆོས་རྣམས་ལ།། འབྲས་བུ་ཡོད་པར་མ་རྟོགས་ཏེ།། ཆད་པའི་མཐའ་རུ་ལྟུང་བ་སྟེ།། རྫོགས་ཆེན་འདི་ཡི་བྱིན་བརླབས་ཀྱིས།། སྙིང་པོ་བྱང་ཆུབ་སེམས་ཆེན་ལ།། གཟུང་འཛིན་མཚན་མ
126b2 མི་མངའ་བས།། ཆད་པའི་མཐའ་རུ་ལྟུང་མི་འགྱུར།། རྟག་པར་བལྟ་བར་སེམས་རྣམས་ཀྱིས།། ཡོད་པ་རྣམ་པ་བཞི་མཐོང་སྟེ།། ང་གཙང་སྐྱིད་རྟག་བཞི་མཐོང་ནས།། བླང་དོར་མེད་པའི་དོན་མ་ཤེས།། སྐྱེ་ཤི་མེད
126b3 པའི་དོན་མ་མཐོང་།། རྟག་པའི་མཐའ་རུ་ལྟུང་བ་དེ།། རྫོགས་ཆེན་འདི་ཡི་བྱིན་བརླབས་ཀྱིས།། སྙིང་པོ་བྱང་ཆུབ་སེམས་ཉིད་ལ།། གཟུང་འཛིན་མཚན་མ་མི་མངའ་བས།། རྟག་པའི་མཐའ་རུ་ལྟུང་མི་འགྱུར།། ཞེས
126b4 གསུངས་སོ།། རྣམ་པར་བགྲང་བའི་མདོ་ལས། འཇིག་རྟེན་གྱི་ཐེག་པ་བསྟན་པའི་ལེའུ་སྟེ་དང་པོའོ།། །། དེ་ནས་འདུས་པའི་ཚོགས་རྣམས་ལ། འཇིག་རྟེན་ལས་འདས་པའི་ཐེག་པ་འདི་བསྟན་ཏོ།། མྱ་ངན
126b5 འདས་པའི་ཐེག་པ་ལ།། རྣམ་པ་གཉིས་སུ་དབྱེ་བར་བྱ།། མཚན་ཉིད་རྒྱུ་ཡི་ཐེག་པ་དང་།། འབྲས་བུ་རྡོ་རྗེའི་ཐེག་པའོ།། མཚན་ཉིད་རྒྱུ་ལ་རྣམ་པ་གསུམ།། སྡུག་བསྔལ་སྤོང་བའི་ཉན་ཐོས་དང་།། ཤེས་པ་འགེགས
126b6 པའི་རང་རྒྱལ་དང་།། རྣམ་རྟོག་སྦྱོང་བའི་མདོ་སྡེ་གསུམ།། སྡུག་བསྔལ་སྤོང་བའི་ཉན་ཐོས་ནི།། བརྟུལ་ཞུགས་དག་གིས་སྤོང་བར་བྱེད།། ཤེས་པ་འགེགས་པའི་རང་རྒྱལ་ནི།། མ་རིག་རྟེན་འབྲེལ་བཅུ་གཉིས
iiif viewer powered by OpenSeadragon
