| e-texts navigator |
| Wylie |
125b1 པས།། དངོས་སུ་གྲུབ་པ་གང་ཡང་མེད།། གང་ཞིག་དངོས་སུ་གྲུབ་འདོད་པས།། དེ་ཡིས་ཆོས་ཀུན་གང་མི་འགྲུབ།། དེ་བས་དངོས་མེད་ཀུན་གྱིས་གྲུབ།། དངོས་མེད་གང་གིས་གྲུབ་པ་དེ།། དེས་ནི་རྩ་བ་སེམས་གྲུབ
125b2 སྟེ།། ཆོས་རྣམས་ཀུན་གྱི་རྩ་བ་གྲུབ།། བྱེད་པའི་རྒྱལ་པོ་གྲུབ་པ་ཡིན།། དེ་བས་སུ་ཡང་རུང་བ་དེས།། དངོས་མེད་གང་གིས་མངོན་གསལ་བ།། དེས་ནི་ཐམས་ཅད་ཀུན་འགྲུབ་པས།། མི་གནས་དངོས་མེད་རྒྱལ་པོ
125b3 གྲུབ།། འདི་ཡིས་ཐམས་ཅད་བྱེད་པ་གྲུབ།། འདི་ཡིས་ཐམས་ཅད་བྱེད་པར་འགྱུར།། དེ་ལས་ཐམས་ཅད་འབྱུང་བར་འགྱུར།། དེ་ལས་འབྱུང་བ་ཐམས་ཅད་འབྱུང་།། དེ་ལས་སྲིད་པ་ཐམས་ཅད་འབྱུང་།། སྣང་བའི
125b4 ཆོས་ཀྱང་དེ་ལས་བྱུང་།། ཐམས་ཅད་ཐམས་ཅད་ཀུན་འབྱུང་བས།། དེ་ཕྱིར་སྙིང་པོ་བྱང་ཆུབ་སེམས།། ཆོས་རྣམས་ཀུན་གྱི་རྩ་བའོ།། ཞེས་གསུངས་སོ།། བྱང་ཆུབ་སེམས་ཀྱི་མདོ་ལས། རྩ་བ་བྱང་ཆུབ་སེམས་ཀྱི་ལེའུ
125b5 སྟེ་བཞི་པའོ།། །། དེ་ནས་འདུས་པའི་ཚོགས་དེ་དག་ཐམས་ཅད། སྟོན་པ་ཀུན་ཏུ་བཟང་པོའི་སྤྱན་སྔར་རབ་ཏུ་ཤིན་ཏུ་འདུད་པའི་སྒོ་ནས་འཁོད་དེ།། ཐམས་ཅད་མགྲིན་གཅིག་པའི་སྒོ་ནས་ཞུས་པ། སྟོན་པ
125b6 ཀུན་ཏུ་བཟང་པོ་ཡིས།། ཆོས་རྣམས་ཀུན་ཏུ་སྣང་བར་མཛད།། སྟོན་པ་རྡོ་རྗེ་སེམས་དཔའ་ཡིས།། དོན་དེ་རྩ་བ་གཅིག་ཏུ་བསྟན། རྩ་བ་གཅིག་གི་དོན་བསྟན་ན།། ཆོས་རྣམས་ཀུན་གྱི་རྩ་བ་རྟོགས།། ཞེས་ཞུས
iiif viewer powered by OpenSeadragon
