| e-texts navigator |
| Wylie |
125a1 འདུས་ཤིང་འབྱུང་བས་ན།། དེ་ཕྱིར་སྙིང་པོ་བྱང་ཆུབ་སེམས།། བྱང་ཆུབ་སེམས་ཀྱི་རྣམ་གྲངས་ནི།། གཅིག་ཏུ་ཡོད་ལ་བགྲང་དུ་མེད།། བགྲངས་ན་མཐའ་ཡས་བརྗོད་མི་ལངས།། གཅིག་ལ་རྣམ་པ
125a2 བགྲང་དུ་མེད།། གཅིག་གིས་ཀུན་གྱི་རྣམ་པ་འཛིན།། ཐམས་ཅད་འདུས་པའི་སྙིང་པོ་ཡིན།། དེ་ཕྱིར་སྙིང་པོ་བྱང་ཆུབ་སེམས།། ཐམས་ཅད་འབྱུང་བ་རྒྱུ་རུ་སྣང་།། དེས་ན་རྒྱུ་གཅིག་བྱང་ཆུབ་སེམས།། ཐམས་ཅད་བྱང
125a3 ཆུབ་སེམས་ལ་སྤྲོས།། འདུས་ཀྱང་བྱང་ཆུབ་སེམས་སུ་འདུས།། གནས་ཀྱང་བྱང་ཆུབ་སེམས་ལ་གནས།། བསྐྱེད་ཀྱང་བྱང་ཆུབ་སེམས་ལས་བསྐྱེད།། སངས་རྒྱས་སྐུ་དང་ཡེ་ཤེས་ཀྱང་།། སེམས་ཉིད་གཟུང་འཛིན
125a4 བྲལ་བ་ཡིན།། དེས་ན་བྱང་ཆུབ་སེམས་ཀྱི་སྐུ།། སེམས་ཅན་ལུས་དང་བག་ཆགས་ཀྱང་།། སེམས་ཀྱི་བསྐམ་ཆགས་ལྔ་ལས་བྱུང་།། དེས་ན་འབྱུང་བའི་བྱང་ཆུབ་སེམས།། བྱང་ཆུབ་སེམས་ནི་གཟུང་འཛིན་བྲལ།། བྱང
125a5 ཆུབ་སེམས་ནི་སྤྲོས་དང་བྲལ།། བྱང་ཆུབ་སེམས་ནི་རྣམ་པར་དག། བྱང་ཆུབ་སེམས་ལ་དབྱིབས་མ་མཆིས།། བྱང་ཆུབ་སེམས་ལ་ཁ་དོག་མེད།། བྱང་ཆུབ་སེམས་ནི་སྒྲོ་སྐུར་བྲལ།། ཐམས་ཅད་སྤང་བའི་བྱང་ཆུབ
125a6 སེམས།། ཆོས་རྣམས་ཀུན་གྱི་རྩ་བ་རུ།། གཅིག་པ་ཆོས་ཀུན་རྩ་བ་ཡིན།། རྩ་བ་བྱང་ཆུབ་སེམས་འདི་ནི།། ཀུན་གྱི་རང་བཞིན་འདིས་བྱས་པས།། ཐམས་ཅད་བྱེད་པའི་རྒྱལ་པོ་ཡིན།། བྱེད་པའི་རྒྱལ་པོས་ཀུན་བྱས
iiif viewer powered by OpenSeadragon
