| e-texts navigator |
| Wylie |
124b1 ཡུལ་མ་མཐོང་།། དེ་ནི་མ་སྐྱེས་ཆོས་མ་རྟོགས།། དེ་ཡིས་དབྱིངས་ཀྱི་ལམ་མ་མཐོང་།། དེ་ནི་གཅིག་པུ་མུན་འཐོམ་ནས།། སྒྲོས་མེད་གནས་ནི་མཐོང་མི་འགྱུར།། བྱང་ཆུབ་སེམས་ཀྱི་རང་བཞིན་ནི།། སྒྲོ་དང་སྐུར་པ
124b2 ཀུན་དང་བྲལ།། གང་གིས་སེམས་དེ་མ་མཐོང་བས།། བསྐལ་པ་དུ་མར་གྲངས་བགྲངས་ཀྱང་།། སྙིང་པོ་རང་བཞིན་སེམས་མ་མཐོང་།། བདེན་པའི་དོན་དང་འཕྲད་མི་འགྱུར།། ཞེས་གསུངས་སོ།། བྱང་ཆུབ་སེམས
124b3 ཀྱི་མདོ་ལས། དཔེ་དོན་གཅིག་པའི་ལེའུ་སྟེ་གསུམ་པའོ།། །། དེ་ནས་ཡང་འདུས་པའི་ཚོགས་དེ་དག་ཐམས་ཅད། སེམས་དཔའ་རྡོ་རྗེའི་འཁོར་དུ་དད་པའི་སེམས་ཀྱིས་འཁོད་དེ་མོས་པས་འདུན་ཏོ།། དེ་ནས་སེམས
124b4 དཔའ་རྡོ་རྗེ་དེས་འཁོར་འདུན་པ་དེ། རྩ་བ་བྱང་ཆུབ་སེམས་སུ་གཅིག་པ་དང་།། རྟགས་དང་གཏན་ཚིགས་ལ་འདུན་པར་རིགས་ནས། ཡང་གསུངས་པ། ཀྱེ་འདུས་པའི་ཚོགས་ཆེན་དེ་ཉོན་ཅིག། རྩ་བ་གཅིག་པའི
124b5 ཆོས་འདི་ནི།། བྱང་ཆུབ་སེམས་ཀྱི་རང་བཞིན་ཏེ།། ཆོས་རྣམས་ཀུན་གྱི་རྩ་བ་ཡིན།། ཐམས་ཅད་འདུས་པའི་སྙིང་པོ་ཡིན།། དུས་གསུམ་སངས་རྒྱས་ཐམས་ཅད་ལ།། སྐུ་གསུང་ཐུགས་སུ་བདག་མེད་ཀྱང་།། བདག་ལ
124b6 ང་པོ་འདི་ལ་འདུས།། སྣང་དང་སྲིད་པར་སྨོས་པའི་ཆོས།། ཐམས་ཅད་མངོན་དུ་སྣང་བ་ཡང་།། ཐམས་ཅད་འབྱུང་བ་འདི་ལ་འདུས།། འདི་ནི་སྣང་སྲིད་སྙིང་པོ་ཡིན།། སྙིང་པོ་བྱང་ཆུབ་སེམས་འདི་ལ།། ཐམས་ཅད
iiif viewer powered by OpenSeadragon
