| e-texts navigator |
| Wylie |
124a1 སྙོམས་པར་བྱེད།། མི་འདས་འབྱུང་ཆེན་སྣང་བ་བཞི།། འདས་པའི་ནམ་མཁའི་ངང་ན་གནས།། སྲིད་པ་རྒྱུད་དྲུག་སྣང་བ་ཡང་།། འདས་པས་ནམ་མཁའི་ངང་ན་གནས།། ནམ་མཁའ་འདས་པའི་དཔེ་དེ
124a2 བཞིན།། སྣང་བ་འབྱུང་ཆེན་བཞི་པོ་ཡང་།། སེམས་ཉིད་འདས་པའི་ངང་ན་གནས།། སྲིད་པ་རྒྱུད་དྲུག་སྣང་བ་ཡང་།། འདས་པ་སེམས་ཀྱི་ངང་ན་སྤྱོད།། སྣང་སྲིད་སྣོད་བཅུད་ཐམས་ཅད་ཀུན།། སེམས་ཉིད་དབྱིངས
124a3 ཀྱི་ཡུལ་ཆེ་བས།། ཐམས་ཅད་སེམས་ཡུལ་དེ་ན་གནས།། ནམ་མཁའ་བཞིན་དུ་མི་གནས་མེད།། དེ་བས་ཀུན་གྱི་གནས་ཆེན་འདི།། བྱང་ཆུབ་སེམས་ཀྱི་ཀློང་ཆེན་ཡིན།། འདས་པའི་སེམས་ཀྱི་ཀློང་ཆེན་འདི།། སྣང
124a4 དང་སྲིད་པ་ཐམས་ཅད་ཀུན།། སྣོད་དང་བཅུད་ཀྱིས་བསྡུས་པ་དང་།། སངས་རྒྱས་སེམས་ཅན་ཐམས་ཅད་དང་།། བདེ་དང་སྡུག་བསྔལ་ཐམས་ཅད་དང་།། ཕྱི་ནང་སྨོས་པ་ཐམས་ཅད་ཀུན།། བྱང་ཆུབ་སེམས་ཀྱི་བདེ
124a5 ཆེན་ལས།། རྣམ་པར་དག་པའི་ཆོས་ཉིད་ལ།། སྣང་དང་སྲིད་པ་གཉིས་སུ་མེད།། སྣོད་དང་བཅུད་ཀྱང་གཉིས་སུ་མེད།། སངས་རྒྱས་སེམས་ཅན་གཉིས་ཀྱང་མེད།། བདེ་དང་སྡུག་བསྔལ་གཉིས་ཀྱང་མེད།། ཕྱི་ནང
124a6 སྨོས་པའི་ཆོས་ཀྱང་མེད།། མེད་པའི་དོན་གྱི་སྙིང་པོ་ལ།། ཡོད་པའི་སྒྲོ་སྐུར་གདབ་མི་བྱ།། གང་ཞིག་མེད་པའི་དོན་མ་མཐོང་།། འདི་ལ་ཡོད་པའི་སྒྲོ་འདོགས་པ།། དོན་གྱི་སྙིང་པོ་མི་ཤེས་པས།། མེད་པའི་བདེ་བ
iiif viewer powered by OpenSeadragon
