| e-texts navigator |
| Wylie |
123a1 ལ།། བཀྲེས་དང་སྐོམ་པས་བསྐྱོད་པ་མེད།། དེ་བས་འདོད་ཆགས་མི་གནས་སྟོང་།། བྱང་ཆུབ་སེམས་སུ་མངོན་སངས་རྒྱས།། གཏི་མུག་ལམ་གྱི་སྒོར་ཞུགས་པས།། བྱོལ་སོང་གནས་ན་གླེན
123a2 ལྐུགས་སྤྱོད།། རིག་པ་ཕྲ་མོའི་ཆོས་སྤྱོད་དེ།། སྔ་མའི་ལས་ཀྱི་རྣམ་སྨིན་གྱིས།། བླུན་ཞིང་ལྐུགས་པའི་ཉམས་མྱོང་སྟེ།། སྙིང་པོ་བྱང་ཆུབ་སེམས་དེ་ལ།། བླུན་ལྐུགས་ཉམས་དེས་བསྐྱོད་པ་མེད།། དེ་བས་གཏི་མུག་མི
123a3 གནས་སྟོང་།། བྱང་ཆུབ་སེམས་སུ་མངོན་སངས་རྒྱས།། ཕྲག་དོག་ལམ་གྱི་སྒོར་ཞུགས་པས།། མི་ཡི་གནས་སུ་དགེ་སྡིག་སྤྱོད།། དགེ་སྡིག་ལས་ཀྱི་ཆོས་སྤྱོད་ཀྱང་།། མི་དགེ་ཤས་ཆུང་རྣམ་སྨིན་གྱིས།། མི་རྟག་འགྱུར
123a4 བའི་ཉམས་མྱོང་སྟེ།། སྙིང་པོ་བྱང་ཆུབ་སེམས་དེ་ལ།། མི་རྟག་ཉམས་དེས་བསྐྱོད་པ་མེད།། དེ་བས་ཕྲག་དོག་མི་གནས་སྟོང་།། བྱང་ཆུབ་སེམས་སུ་མངོན་སངས་རྒྱས།། ང་རྒྱལ་ལམ་གྱི་སྒོར་ཞུགས་པས།། ལྷ་ཡི
123a5 གནས་དང་ལོངས་སྤྱོད་ཀྱིས།། མ་རིག་ལྟུང་བའི་སྡུག་བསྔལ་མྱོང་།། བསམ་པས་འགྲུབ་པའི་ཆོས་སྤྱོད་ཀྱང་།། མ་རིག་ལེ་ལོའི་རྣམ་སྨིན་གྱིས།། ལྟུང་བའི་སྡུག་བསྔལ་ཉམས་མྱོང་སྟེ།། སྙིང་པོ་བྱང་ཆུབ་སེམས་དེ
123a6 ལ།། ལྟུང་བའི་ཉམས་ཀྱིས་མི་བསྐྱོད་དེ།། དེས་ན་ང་རྒྱལ་མི་གནས་སྟོང་།། བྱང་ཆུབ་སེམས་སུ་མངོན་སངས་རྒྱས།། སྣང་སྲིད་ཆོས་ནི་དེ་བས་ན།། ཁམས་གསུམ་གནས་ཀྱང་དེ་འདྲ་སྟེ།། འདོད་པའི་ཁམས་ནི་མ
iiif viewer powered by OpenSeadragon
