| e-texts navigator |
| Wylie |
122b1 རྒྱས།། ཐམས་ཅད་སྡུད་པའི་འབྱུང་བ་ཆུ།། ཡེ་ཤེས་ཐུགས་རྗེའི་རླན་གྱིས་སྡུད།། དེ་བས་བྱང་ཆུབ་སེམས་ཀྱི་ཆུ།། བྱང་ཆུབ་སེམས་སུ་མངོན་སངས་རྒྱས།། མངོན་སུམ་སྣང་བ་སྲ་བྱེད་པ།། ཐམས་ཅད་འདེགས་པའི
122b2 བྱང་ཆུབ་སེམས།། དེ་བས་སེམས་ཀྱི་ས་དེ་ལ།། བྱང་ཆུབ་སེམས་སུ་མངོན་སངས་རྒྱས།། ཐམས་ཅད་དྲོད་སྙོམས་ཚ་བའི་མེ།། པདྨ་རྣམ་དག་ཡེ་ཤེས་ཏེ།། དེ་བས་སེམས་ཉིད་རྣམ་དག་པས།། བྱང་ཆུབ་སེམས་སུ
122b3 མངོན་སངས་རྒྱས།། འབྱུང་ཆེན་ལྔ་ཡི་སངས་རྒྱས་ལྔ།། བྱང་ཆུབ་སེམས་སུ་མངོན་སངས་རྒྱས།། སྲིད་གསུམ་ལམ་ལྔའི་ཆོས་ལྔ་ཡང་།། བྱང་ཆུབ་སེམས་སུ་མངོན་སངས་རྒྱས།། དེ་ཡང་ཇི་ལྟ་བུ་ཞེ་ན།། བརྐམ
122b4 ཆགས་ལྔ་ཡི་རྣམ་སྨིན་གྱིས།། ལམ་སྒོ་ལྔ་རུ་ཞུགས་ཕྱིན་ན།། མི་བདེ་སྡུག་བསྔལ་ལྔ་ལ་སྦྱང་།། ཞེ་སྡང་ལམ་གྱི་སྒོར་ཞུགས་པས།། དམྱལ་བའི་གནས་སུ་ཚ་གྲང་སྤྱོད།། སྔ་ཕྱི་མེད་པའི་ཆོས་སྤྱོད་ཀྱང་།། སྔ་མའི་ལས
122b5 ཀྱི་རྣམ་སྨིན་གྱིས།། ཚེ་དང་གྲང་བའི་ཉམས་མྱོང་སྟེ།། སྙིང་པོ་བྱང་ཆུབ་སེམས་དེ་ལ།། ཚེ་གྲང་ཉམས་དེས་བསྐྱོད་པ་མེད།། དེ་བས་ཞེ་སྡང་མི་གནས་སྟོང་།། བྱང་ཆུབ་སེམས་སུ་མངོན་སངས་རྒྱས།། འདོད་ཆགས
122b6 ལམ་གྱི་སྒོར་ཞུགས་པས།། ཡི་དྭགས་གནས་ན་བཀྲེས་སྐོམ་སྤྱོད།། བསྔོས་པས་ཚིམ་པའི་ཆོས་ཡོད་ཀྱང་།། སྔ་མའི་ལས་ཀྱི་རྣམ་སྨིན་གྱིས།། བཀྲེས་དང་སྐོམ་པའི་ཉམས་མྱོང་སྟེ།། སྙིང་པོ་བྱང་ཆུབ་སེམས་དེ
iiif viewer powered by OpenSeadragon
