| e-texts navigator |
| Wylie |
121b1 པར་མི་འགྱུར་ཏེ།། བརྗོད་དུ་མེད་པའི་དོན་ཚིག་གིས།། བརྗོད་དང་བརྗོད་མེད་རིག་པར་བྱ།། ཐམས་ཅད་ཆོས་ལ་སྐྱེ་འགག་མེད།། སྐྱེ་འགག་མེད་པའི་ཆོས་ཉིད་ལ།། མཚོན་དུ་ཡོད་པར་མ་གསུངས་ཏེ།། མཚོན་དུ
121b2 མེད་པས་སྒྲོ་སྐུར་བྲལ།། སྒྲོ་སྐུར་བྲལ་བའི་བྱང་ཆུབ་སེམས།། བྱང་ཆུབ་སེམས་ལ་མཚོན་དུ་མེད།། བརྗོད་དུ་མེད་པའི་ཆོས་ཉིད་ལ།། སུས་ཀྱང་བརྗོད་པར་མི་ནུས་སོ།། ཞེས་གསུངས་སོ།། རྫོགས་པ་ཆེན་པོ་བྱང
121b3 ཆུབ་ཀྱི་སེམས་ཀྱི་མདོ་ལས། རྒྱུ་འབྲས་གཅིག་པའི་ལེའུ་སྟེ་གཉིས་པའོ།། །། དེ་ནས་ཡང་འདུས་པའི་ཚོགས་དེ་དག་ཐམས་ཅད། སེམས་དཔའ་རྡོ་རྗེའི་འཁོར་དུ་དད་པའི་སེམས་ཀྱིས་འཁོད་དེ་འདུན་པས།།
121b4 སེམས་དཔའ་རྡོ་རྗེས་རྩ་བ་གཅིག་པའི་དཔེ་དང་དོན་ལ་འདུན་པར་རིག་ནས་ཡང་གསུངས་པ། ཀྱེ་སེམས་དཔའི་ཚོགས་ཆེན་ད་ཉོན་ཅིག། རྩ་བ་གཅིག་གི་དོན་འདི་ལ།། དཔེ་ཡང་གཅིག་ལ་དོན་ཡང་གཅིག། དངོས
121b5 མེད་འདྲ་བ་དཔེ་རུ་བསྟན།། ཆོས་ཀུན་དཔེ་ནི་ནམ་མཁའ་འདྲ།། ནམ་མཁའ་དག་ལས་ཐམས་ཅད་འབྱུང་།། ཆོས་ཀུན་སྙིང་པོ་བྱང་ཆུབ་སེམས།། ཐམས་ཅད་འབྱུང་བས་ནམ་མཁའ་འདྲ།། རྒྱུ་མེད་པ་ཡི་བྱང་ཆུབ
121b6 སེམས།། མ་སྐྱེས་པས་ན་ནམ་མཁའ་འདྲ།། རྐྱེན་མེད་པ་ཡི་བྱང་ཆུབ་སེམས།། མི་འཇིག་པས་ན་ནམ་མཁའ་འདྲ།། གཉེན་པོ་མེད་པའི་བྱང་ཆུབ་སེམས།། ཐམས་ཅད་འཇོམས་པས་ནམ་མཁའ་འདྲ།། མཚོན་དུ་མེད
iiif viewer powered by OpenSeadragon
