| e-texts navigator |
| Wylie |
121a1 མེད་པའི་འབྲས་བུ་ཡིན།། སེམས་ཉིད་རང་བྱུང་ཡེ་ཤེས་ལ།། ཡེ་ནས་བཙལ་ཞིང་བསྒྲུབ་མེད་པས།། རྩོལ་བསྒྲུབ་གཉིས་ཀྱི་སྤྲོས་དང་བྲལ།། ལྷུན་གྱིས་གྲུབ་པའི་འབྲས་བུ་ཡིན།། སྒྲོ་སྐུར་འདས་པའི
121a2 བྱང་ཆུབ་སེམས།། སྤྲོས་པ་མེད་པའི་དོན་གྱིས་ན།། ཀུན་གྱི་སྙིང་པོ་སངས་རྒྱས་སྐུ།། མ་བསྒྲིབས་ཡེ་ཤེས་ཆོས་ཀྱི་དབྱིངས།། མི་འགག་དབྱིངས་ཀྱི་བྱང་ཆུབ་སེམས།། མི་སྐྱེ་མི་འགག་ཡེ་ཤེས་ཐུགས།། རྒྱུ་དང་འབྲས
121a3 བུ་གཉིས་མ་མཆིས།། རྩ་བ་གཅིག་གི་བྱང་ཆུབ་སེམས།། ཐམས་ཅད་ཀུན་གྱི་རྒྱུ་རུ་སྣང་།། རྒྱུ་ཉིད་རང་བྱུང་སྐྱེ་མེད་པས།། མིང་ཙམ་མཚོན་པའི་འབྲས་བུར་གཅིག། འབྲས་བུ་ཞེས་ནི་བཏགས་པ་མེད།། བཏགས་པ
121a4 དེ་ནི་མཚོན་པ་སྟེ།། མཚོན་པའི་དོན་གྱིས་གདགས་མེད་མཚོན།། དེ་ཡང་མཚོན་པར་བྱ་བའི་དོན།། མཚོན་དུ་མེད་པའི་དོན་དེ་ཡང་།། མ་མཚོན་གོ་བར་མི་འགྱུར་ཏེ།། མཚོན་དུ་མེད་པའི་དོན་ཚིག་གིས།། མཚོན་ཏེ
121a5 མཚོན་མེད་གོ་བར་བྱ།། ཐམས་ཅད་ཆོས་ནི་སྐྱེ་བ་མེད།། མ་སྐྱེས་པ་ཡི་ཆོས་ཉིད་ནི།། སྐྱེ་འགག་མེད་པའི་བྱང་ཆུབ་སེམས།། བྱང་ཆུབ་སེམས་ལ་སྐྱེ་མེད་པར།། མ་མཚོན་སྐྱེ་མེད་དེ་མི་མཐོང་།། སྐྱེ་བ་མེད་པའི་དོན
121a6 ཚིག་གིས།། སྐྱེ་མེད་དེ་མཚོན་མཐོང་བར་བྱ།། ཐམས་ཅད་ཆོས་ནི་སྒྲོ་སྐུར་བྲལ།། སྒྲོ་སྐུར་བྲལ་བའི་བྱང་ཆུབ་སེམས།། བརྗོད་དུ་མེད་པའི་བྱང་ཆུབ་སེམས།། བྱང་ཆུབ་སེམས་ལ་བརྗོད་མེད་པར།། མ་བརྗོད་རིག
iiif viewer powered by OpenSeadragon
