| e-texts navigator |
| Wylie |
120b1 ཀུན།། གང་རྒྱུ་དེ་ལ་གྲུབ་པ་ནི།། རྒྱུ་འབྲས་གཅིག་པའི་དོན་ཡིན་ཏེ།། འགྲོ་བའི་སེམས་ཀྱི་ཕྱིན་ཅི་ལོག། བརྐམ་ཆགས་ལྔ་ཡི་སྡུག་བསྔལ་རྒྱུས།། འབྲས་བུ་ཟད་མེད་རྒྱུད་ལྔར་འཁོར།། དེ་ལ་འབྲས་བུར་མིང་མི
120b2 གདགས།། སྡུག་བསྔལ་ཀུན་འབྱུང་འགོག་པའི་ལམ།། སྤང་དང་འགེག་དང་སོལ་བ་དང་།། ལམ་ལ་མངོན་དུ་བྱེད་པ་ཡང་།། ཉོན་མོངས་ལྔ་བཅོམ་འབྲས་བུ་དེ།། མི་སྐྱེ་མི་འགག་འབྲས་བུ་མིན།། བདེན་པ་གཉིས
120b3 ཀྱི་རྟོག་དཔྱོད་ཀྱིས།། མི་རྟག་སྡུག་བསྔལ་སྟོང་བདག་མེད།། མདོ་ཆེན་བཞི་ཡི་དོན་རྟོགས་ཏེ།། ཆོས་ཉིད་སྟོང་པའི་འབྲས་བུ་དེ།། རྒྱུ་འབྲས་འདས་པའི་འབྲས་བུ་མིན།། ཕྱི་ཡི་ཏན་ཏྲ་སྡེ་གསུམ་ཡང་།། བྱང་ཆུབ་ཡན
120b4 ལག་ཀུན་བསྒོམས་ནས།། རྡོ་རྗེ་འཛིན་དང་སྟུག་པོ་བཀོད།། ཐོབ་པ་རྡོ་རྗེའི་འབྲས་བུ་སྟེ།། བླང་དོར་མེད་པའི་འབྲས་བུ་མིན།། ནང་པ་བསྐྱེད་དང་རྫོགས་པ་ནི།། རྣམ་པ་གསུམ་གྱི་དོན་སྦྱར་ན།། རང་རྒྱུད་དག་པའི
120b5 དཀྱིལ་འཁོར་ལ།། བསྙེན་བསྒྲུབ་བཞི་ཡི་ཆོ་གས་ནི།། བདག་ཉིད་ལྷུན་གྱིས་གྲུབ་བྱེད་པའང་།། རྩོལ་བསྒྲུབ་འདས་པའི་འབྲས་བུ་མིན།། མ་སྐྱེས་པ་ཡི་ཆོས་ཉིད་ནི།། མི་སྐྱེ་མི་འགག་འབྲས་བུ་ཡིན།། འབྱུང་བ་ལྔ
120b6 ལ་རག་མ་ལས།། སྐུ་གསུང་ཐུགས་ལ་མ་བརྟེན་པས།། རྒྱུ་འབྲས་འདས་པ་འབྲས་བུ་ཡིན།། མ་བསྒྲིབས་རང་བྱུང་ཡེ་ཤེས་ཀྱིས།། གང་ཡང་སྤང་བ་མེད་པར་སྤྱོད།། གཟུང་འཛིན་རྣམ་རྟོག་མི་མངའ་བས།། བླང་དོར
iiif viewer powered by OpenSeadragon
