| e-texts navigator |
| Wylie |
120a1 འདི་ལྟ་སྟེ།། སངས་རྒྱས་སྐུ་དང་ཡེ་ཤེས་དང་།། སེམས་ཅན་ལུས་དང་བག་ཆགས་དང་།། སྣང་དང་སྲིད་པའི་ཆོས་རྣམས་ཀུན།། བྱང་ཆུབ་སེམས་དང་དབྱིངས་སུ་འདུས།། རྒྱུ་རུ་གཅིག་ལ་འབྲས་བུར
120a2 གཅིག། དཔེ་རུ་གཅིག་ལ་དོན་དུ་གཅིག། རྩ་བ་བྱང་ཆུབ་སེམས་སུ་གཅིག། རྟགས་དང་གཏན་ཚིགས་མཐུན་པར་གཅིག། སྤྲོས་པ་མེད་པའི་དོན་དུ་བསྟན།། རྒྱུ་གཅིག་བྱང་ཆུབ་སེམས་འདི་ནི།། དུས་གསུམ་སངས
120a3 རྒྱས་ཐམས་ཅད་ཀྱི།། མཚན་མར་མི་གནས་ཆོས་སྐུར་གཅིག། གསུང་སྟེ་འགག་པ་མེད་པར་གཅིག། མ་བསྒྲིབས་ཡེ་ཤེས་ཐུགས་སུ་གཅིག། སྤྲོས་པ་མེད་པའི་དོན་དུ་གཅིག། སེམས་དང་ལུས་དང་བག་ཆགས
120a4 དང་།། རྒྱུ་གཅིག་བྱང་ཆུབ་སེམས་ལས་བྱུང་།། རྒྱུ་དང་རྒྱུ་ཡི་རྣམ་པ་གཉིས།། རྒྱུ་ནི་འབྱུང་ཆེན་རྣམ་པ་ལྔ།། འབྱུང་ལྔ་རྒྱུ་ཉིད་བྱང་ཆུབ་སེམས།། འགྲོ་བའི་སྡུག་བསྔལ་བྱང་ཆུབ་སེམས།། སེམས་ལས་དང་རྒྱུད་གྲུབ
120a5 བྱེད་པ།། བརྐམ་ཆགས་ལྔ་ལས་འབྱུང་ལྔ་གྲུབ།། འབྱུང་བ་ལྔ་ལས་རང་བྱུང་སྐྱེས།། སྣང་བའི་ཆོས་དང་སྲིད་པའི་ཆོས།། མི་རྟོག་པ་ཡི་རྒྱུ་རྐྱེན་གྱིས།། བསྐྱེད་ནས་ཇི་ལྟར་འབྱུང་ན་ཡང་།། དོན་དམ་སྐྱེ་བ་མེད་པས
120a6 ན།། སྤྲོས་པ་མེད་པའི་དོན་དུ་བསྟན།། འབྲས་བུ་གཅིག་པའི་དོན་འདི་ཡང་།། རྒྱུ་གཅིག་པ་ཡི་ཚུལ་བཞིན་དུ།། ཆོས་རྣམས་ཀུན་གྱི་འབྲས་བུར་གཅིག། དེ་ཡང་ཅི་ལྟ་བུ་ཞེ་ན། དཔེར་ན་ཕྱི་ནང་ཆོས་རྣམས
iiif viewer powered by OpenSeadragon
