| e-texts navigator |
| Wylie |
118b1 ཀུན་ཏུ་བཟང་པོ་དེས། འཁོར་རྣམས་ཡོངས་སུ་འདུན་པ་དེ་གཟིགས་ནས། ཡོངས་སུ་ཀུན་ཏུ་སྣང་བ་ཞེས་བྱ་བའི་ཆོས་ཉིད་ལ་གནས་པར་མཛད་དོ།། མཛད་ནས་འཁོར་རྣམས་ཡོངས་སུ་རྟོག་པ་སྐྱེས་ཏེ། ཡོངས་སུ
118b2 སེམས་འགྲོགས་སོ།། ཡོངས་སུ་སེམས་འགྲོགས་པར་གཟིགས་ནས།། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོ་དེས། འཁོར་རྣམས་ལ་ཉིད་ཀྱི་རང་བཞིན་འདི་བསྟན་ཏོ།། ཨེ་མ་ཧོ་བྱང་ཆུབ་སེམས་འདི
118b3 ཀུན་ཏུ་བཟང་།། རྒྱུ་རྐྱེན་མེད་པའི་རང་བྱུང་སེམས།། ཐམས་ཅད་འབྱུང་བའི་སྙིང་པོ་དེས།། དགའ་མགུ་རངས་པ་ཀུན་འདོད་ན།། འདུན་པ་མ་སྐྱེས་སེམས་འགྲོགས་ནས།། ང་ཡི་རང་བཞིན་མ་མཐོང་སྟེ།། ང་ནི་ཀུན
118b4 གྱི་རང་བཞིན་ཏེ།། ཆོས་ཀུན་སྙིང་པོ་མཐོང་བ་མེད།། ཅེས་གསུངས་སོ།། དེ་ནས་འཁོར་དེ་རྣམས་ཀྱང་སེམས་ཀྱི་བསམ་པ་སོ་སོར་མཐོང་སྟེ། ལ་ལ་ནི་ཉིད་ཀྱི་རང་བཞིན་དུ་གྱུར་ཏོ།། ལ་ལ་ནི་ཡེ་ཤེས་སྐྱེས་སོ།། ལ
118b5 ལ་ནི་དགའ་བས་འདུན་ཏོ།། ལ་ལ་ནི་སྨོན་པས་འདུན་ཏོ།། ལ་ལ་ནི་མ་དད་པའི་སེམས་བྱུང་ངོ་།། ལ་ལ་ནི་དགའ་བར་གྱུར་ན་ཡང་འགྱེད་པ་མི་མངའ་བའི་ཐུགས་རྗེས་ཐབས་ཅིག་གོ།། དེ་ནས་སེམས་དཔའ་རྡོ་རྗེ
118b6 ཉིད་ཀྱི་རང་བཞིན་དེས། ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ།། ཨེ་མ་རྡོ་རྗེ་སྙིང་པོ་ཁྱོད།། བྱང་ཆུབ་སེམས་ནི་ཀུན་ཏུ་བཟང་།། ཡིན་པར་བདག་ཅག་ཡོངས་མ་རྟོགས།། རྒྱུ་རྐྱེན་མེད་པར་འབྱུང་མི
iiif viewer powered by OpenSeadragon
