| e-texts navigator |
| Wylie |
117b1 ཡིན།། ཡེ་ཤེས་སྣང་བ་མཆེད་པར་བྱེད་པ་ཡིན།། སྡུག་བསྔལ་རྒྱ་མཚོ་གཅོད་པར་བྱེད་པ་ཡིན།། སྙིང་པོ་དོན་ལ་གོམས་པར་བྱེད་པ་ཡིན།། ཀྱེ་ངས་ནི་མ་རིག་པ་ཡི་དམིགས་བསལ་ནས།། སྐྱེ་མེད་བྱང་ཆུབ་སེམས་ནི
117b2 མངོན་བསྟན་ན།། སྐལ་ལྡན་རྣལ་འབྱོར་མིག་དང་ལྡན་པ་དག། བྱ་བ་མེད་པའི་རང་བཞིན་གྲོལ་བར་འགྱུར།། ཐེག་པའི་ཡང་སྙིང་བཀའ་ཡི་རྫོགས་ཆེན་འདི།། མན་ངག་སྙིང་པོ་ལུང་དང་ལྡན་རྣམས་ཀྱིས།། རང
117b3 བཞིན་བདེ་བར་གནས་ན་གསལ་བར་འགྲུབ།། མ་བཅོས་མི་འགྱུར་འཇུག་ཅིང་རྩོལ་བ་མེད།། ཀྱེ་ང་ནི་སྟོན་པ་ཀུན་བྱེད་རྒྱལ་པོ་སྟེ།། ཐེག་པའི་རྩ་བ་ཆོས་ཀྱི་སྙིང་པོའི་ལུང་།། སྐུ་གསུམ་སྟོན་པས་མ་གསུངས་རྒྱ་ཆེ
117b4 བ།། སྐྱེ་བ་མེད་པར་སྟོན་པའི་སེམས་རྒྱུད་འདི།། དུས་གསུམ་རྒྱལ་བས་སྔོན་ཆད་མ་གསུངས་ཏེ།། ཕྱི་མ་མི་གསུང་ད་ལྟར་སྟོན་མི་མཛད།། ཀུན་བྱེད་རྒྱལ་པོས་འཕོ་འགྱུར་མི་མངའ་བས།། སྔ་བར་གསུངས་ཤིང
117b5 ཕྱིས་ཀྱང་གསུང་འགྱུར་ལ།། ད་ལྟར་བྱུང་བར་གསུངས་པས་སྐལ་ལྡན་ལ།། ངེས་པར་བསྟན་པས་འབད་མེད་གྲོལ་བའི་ལུང་།། མདོ་ལུང་མངོན་དུ་བསྟན་པའི་བཀའ་རྒྱུད་འདི།། མི་འཕེལ་མི་ནུབ་སྙིང་པོ་འཛིན་པ
117b6 ལ།། ཀུན་བྱེད་རྒྱལ་པོ་ངེས་པར་ཁྱོད་ལ་གཏད།། ཅེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་མཚན་གྱི་རྣམ་གྲངས་བསྟན་པའི་ལེའུ་སྟེ་བརྒྱད་ཅུ་རྩ་བཞི་པའོ།། །། བྱང་ཆུབ་ཀྱི་སེམས
iiif viewer powered by OpenSeadragon
