| e-texts navigator |
| Wylie |
117a1 བཅོས་ཇི་བཞིན་དཔལ་ཀུན་སྣང་བས།། ཕྱོགས་རིས་གཉིས་སུ་ཆད་པའི་དོན་མེད་དེ།། བཀའ་ཡི་འགྲེལ་པ་ཆོས་ཀྱི་མེ་ལོང་ཡིན།། ཀྱེ་ཇི་བཞིན་མ་བཅོས་སྙིང་པོ་རྣལ་མ་ལ།། འཁོར་དང་མྱ་ངན
117a2 འདས་པ་འབྱུང་སྡུད་པ།། བླང་དོར་འཛིན་ཆགས་རྒྱ་ལས་རྣམ་གྲོལ་ཏེ།། སྙིང་པོ་དོན་གྱི་ཐེག་པ་བསྟན་པ་ཡིན།། ཀྱེ་འདས་དང་མ་བྱོན་ད་ལྟར་རྒྱལ་བ་ལ།། སྐྱེ་མེད་འདི་ལས་མ་གཟིགས་མི་དགོངས་པས།། མ
117a3 བཅོས་ཐིག་ལེ་གཟུང་འཛིན་ལས་འདས་པས།། ལྟ་བའི་མེ་ལོང་ཞེས་སུ་བསྟན་པ་ཡིན།། ཀྱེ་ང་ནི་མ་བཅོས་ཇི་བཞིན་སྙིང་པོ་ལ།། སྒྲོ་འདོགས་སྐུར་འདེབས་དོན་ལས་ཀུན་འདས་ཏེ།། དུས་གསུམ་རྒྱལ་བ་ང་ལས
117a4 བྱུང་བས་ན།། རྒྱལ་བའི་ཡུམ་ཞེས་ངེས་པར་བསྟན་པ་ཡིན།། ཀྱེ་མ་བཅོས་སྐྱེ་མེད་ཀུན་བྱེད་རྒྱལ་པོ་ལ།། མ་བཙལ་དགོས་པའི་ཡོན་ཏན་ཚད་རྫོགས་པས།། བཙལ་ཞིང་བསྒྲུབ་པ་ཀུན་ལས་འདས་པས་ན།། རྒྱུད་ཀྱི
117a5 རྒྱལ་པོ་ཞེས་སུ་བསྟན་པ་ཡིན།། ཀྱེ་མ་བཅོས་དོན་ལ་མ་ནོར་བློ་འཇོག་པས།། སྙིང་པོ་དོན་ལ་སྒྲོ་དང་སྐུར་བ་བྲལ།། གཉི་ག་མི་འགལ་དོན་དུ་གང་སྟོན་པ།། མ་བཅོས་དོན་གྱི་ལུང་དུ་བསྟན་པ་ཡིན།། ཀྱེ་སྟོན་པའི
117a6 སྟོན་པ་ཀུན་བྱེད་རྒྱལ་པོས་ལུང་བསྟན་པ།། སྐྱེ་མེད་བྱང་ཆུབ་སེམས་དང་ལྡན་པའི་དོན།། གཉིས་མེད་སྙིང་པོར་རོ་གཅིག་གནས་པ་ལ།། ཀུན་གྱི་མདོ་ནི་མདོ་རུ་བསྟན་པ་ཡིན།། ཀྱེ་མ་རིག་པ་ཡི་མུན་པ་སེལ་བ
iiif viewer powered by OpenSeadragon
