| e-texts navigator |
| Wylie |
116b1 ཀུན་བྱེད་རྒྱལ་པོ་སྦྱིན།། ཞེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་བསྟན་པ་གང་ལ་གཞག་པའི་ལེའུ་སྟེ་བརྒྱ་ཅུ་རྩ་གསུམ་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལ
116b2 སེམས་དཔའ་རྡོ་རྗེས་ལེགས་པར་མདངས་ཕྱུང་སྟེ་མདུན་ནས་ཞུས་པ།། ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ལགས།། ཉིད་ཀྱི་ཐུགས་གཅིག་རང་འབྱུང་ཡེ་ཤེས་ལས།། སྐལ་ལྡན་དུས་གཅིག་གྲོལ་བར་མཛད་པའི
116b3 མདོ།། མཚན་གྱི་ཁྱད་པར་བདག་ལ་བཤད་དུ་གསོལ།། ཞེས་ཞུས་སོ།། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་མཚན་གྱི་རྣམ་གྲངས་རྣམ་པར་ཕྱེ་བ་འདི་གསུངས་སོ།། ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ
116b4 ཡིས།། མཚན་གྱི་ཁྱད་པར་ཕྱེ་སྟེ་བཤད་པ་ནི།། ཇི་ལྟར་སྣང་བའི་ཆོས་རྣམས་ཐམས་ཅད་ཀུན།། མ་ལུས་ཀུན་བྱས་བྱེད་ཅིང་བྱེད་འགྱུར་ཏེ།། ཉིད་ལ་བྱ་མི་དགོས་ཏེ་ལྷུན་གྲུབ་པས།། ཀུན་བྱེད་རྒྱལ་པོ་ཞེས་སུ་བསྟན
116b5 པ་ཡིན།། ཀྱེ་སྙིང་པོ་ང་ལ་དྲི་མ་མེད་པ་དང་།། མ་བཙལ་ལྷུན་གྱིས་གྲུབ་པའི་དོན་ལྡན་པས།། འདི་ལ་བཙལ་ཞིང་སྒྲུབ་པ་མི་མངའ་སྟེ།། བྱང་ཆུབ་སེམས་ཞེས་ངེས་པར་བསྟན་པ་ཡིན།། ཀྱེ་མ་གདོད་ནས་གྲུབ་པའི
116b6 ཆོས་ཉིད་ལ།། རྒྱུ་དང་རྐྱེན་མེད་བཙལ་མེད་སྙིང་པོ་འདི།། མ་བསྒྲིབས་ཀུན་ལ་ཕྱོགས་རིས་མེད་གསལ་བས།། རང་འབྱུང་ཡེ་ཤེས་ཞེས་སུ་བསྟན་པ་ཡིན།། ཀྱེ་ཇི་ལྟར་སྣང་བའི་ཆོས་རྣམས་ཐམས་ཅད་ཀུན།། མ
iiif viewer powered by OpenSeadragon
