| e-texts navigator |
| Wylie |
115a1 འཚལ་འདུད།། ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ཁྱོད།། མ་རིག་པ་ཡི་ལམ་ནི་བསལ་ནས་ཀྱང་།། ཡེ་ཤེས་སྣང་བ་ཀུན་དུ་མཆེད་པར་བྱེད།། སྟོན་པ་ཀུན་བྱེད་རྒྱལ་པོ་ཁྱོད་ལ་འདུད།། ཀྱེ་ཇི་ལྟར
115a2 སྣང་བའི་ཆོས་ནི་ཐམས་ཅད་ཀུན།། རང་འབྱུང་ཉིད་པས་རྒྱུ་རྐྱེན་ཀུན་དང་བྲལ།། མ་བཅོས་སྙིང་པོ་ཇི་བཞིན་གསལ་བས་ན།། རང་འབྱུང་ཡེ་ཤེས་ཀུན་བྱེད་རྒྱལ་པོ་ཉིད།། ཇི་ལྟར་བརྟགས་ཀྱང་གཏིང་མཐའ་དབུས
115a3 མེད་དེ།། ཀུན་གྱི་འབྱུང་གནས་བསམ་པའི་ཡུལ་ལས་འདས།། སྐྱེ་འགག་དམིགས་འཇུག་ལས་འདས་རྣམ་པར་ཞི།། སུ་ཞིག་འཇུག་ཅིང་དམིགས་དང་དད་པ་དག། འདི་ལ་དམན་དང་དམ་པར་དམིགས་མེད
115a4 པས།། མི་རྩོལ་བདེ་ལ་གནས་ཤིང་དབུགས་ཕྱིན་འགྱུར།། ཆོས་ཀྱི་རྩ་བ་ཀུན་བྱེད་རྒྱལ་པོ་ལས།། ཇི་ལྟར་གནས་པ་རྩོལ་སྒྲུབ་ཀུན་དང་བྲལ།། ཞེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་རྗེས་སུ
115a5 བསྟོད་པའི་ལེའུ་སྟེ་བརྒྱད་བཅུ་རྩ་གཉིས་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལ་སེམས་དཔའ་རྡོ་རྗེས་ལེགས་པར་འདུན་ནས་ཞུས་པ།། ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ
115a6 ལགས།། ཇི་ལྟར་སྣང་ཞིང་གྲགས་པའི་ཆོས་རྣམས་ཀུན།། རང་འབྱུང་ཡེ་ཤེས་གཅིག་ཏུ་བསྟན་པའི་མདོ།། ཆོས་ཀྱི་རྩ་བ་ཀུན་བྱེད་རྒྱལ་པོའི་རྒྱུད།། ཕྱི་རབས་རྣལ་འབྱོར་གང་དང་གང་དག་ལས།། བསྟན་ཅིང
iiif viewer powered by OpenSeadragon
