| e-texts navigator |
| Wylie |
112a1 བྱེད།། སྣང་བ་སྐྱེ་བ་མེད་པར་རང་གྲོལ་བས།། སྟོང་པ་མི་སྒོམ་ཇི་བཞིན་རྟོགས་པས་གྲོལ།། ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ངས།། ཇི་ལྟར་སྣང་བའི་ཆོས་ནི་ཐམས་ཅད་ཀུན།། མ་སྐྱེས་རྣམ་པར
112a2 དག་པར་ལུང་བསྟན་པས།། ཇི་ལྟར་སྐྱེ་བ་མེད་པོ་ཉིད་དུ་རྟོགས།། ཀྱེ་ང་ལས་བྱུང་བ་སྟོན་པ་སྐུ་གསུམ་ལ།། སེམས་ཉིད་སྐྱེ་བ་མེད་པར་ཀུན་སྨྲ་ཞིང་།། དེ་བཞིན་མེད་པའི་དོན་ལ་ཀུན་རྩོད་ཀྱང་།། སྐྱེ་མེད་མངོན
112a3 སུམ་དུས་ཀྱིས་རྟོགས་པ་མེད།། དེ་ཕྱིར་ཀུན་བྱེད་རྒྱལ་པོའི་ལུང་འདི་ལ།། ཤེས་ནས་མ་ཡེངས་དོན་ལ་གནས་པ་ལས།། རྩོལ་བས་མི་འཇུག་གཉེན་པོས་སེམས་མི་སྤོང་།། ཡུལ་ལ་མི་འཇོག་དྲན་པའི་སེམས་མི
112a4 སྡུད།། གང་ལྟར་བྱུང་བ་དེ་ཉིད་དོན་ཡིན་པས།། ཀུན་བྱེད་ང་ཡི་དོན་ལ་འཇུག་པར་གྱིས།། ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ཡིས།། མ་བཅོས་སེམས་ཀྱི་འཁོར་ལ་ལུང་ཕོག་པ།། མ་ལུས་སྐྱེ་མེད་རྟོགས་པའི་རྣལ
112a5 འབྱོར་པ།། རང་བཞིན་བཅུ་ལས་རྩོལ་བར་མ་བྱེད་ཅིག། ཀུན་བྱེད་བྱང་ཆུབ་སེམས་ཀྱི་རང་བཞིན་ལ།། ཤེས་པས་གཟུང་འཛིན་མི་ཤེས་སྤང་མེད་པས།། རྟོགས་པ་དབང་སྐུར་དོན་ལ་གནས་པ་ཡིས།། ཀུན་བྱེད
112a6 རྒྱལ་པོའི་དགོངས་པ་ལྷུན་གྱིས་གྲུབ།། ཅེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་ལྷུན་གྲུབ་རེ་དོགས་བཅད་པའི་ལེའུ་སྟེ་བརྒྱད་ཅུ་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད
iiif viewer powered by OpenSeadragon
