| e-texts navigator |
| Wylie |
111b1 དོགས་ལས་འདས་པའི་དགོངས་པ་འདི་གསུངས་སོ།། ཀྱེ་སེམས་དཔའ་རྡོ་རྗེ་ལེགས་པར་ད་སྒོམས་ཤིག། ང་ནི་སྟོན་པ་ཀུན་བྱེད་རྒྱལ་པོ་སྟེ།། ཇི་ལྟར་སྣང་བའི་ཆོས་རྣམས་མ་ལུས་པ།། སྐྱེ་མེད་སེམས་ཀྱི་རང་བཞིན
111b2 ཉིད་དུ་བསྟན།། ཀྱེ་སེམས་ཀྱི་རང་བཞིན་ལྷུན་གྱིས་གྲུབ་པའི་ཕྱིར།། གྲུབ་དང་མ་གྲུབ་གཉིས་སུ་ལུང་མི་སྟོན།། བདེ་དང་སྡུག་བསྔལ་གཉིས་སུ་རྟོག་མི་བྱེད།། འཁོར་དང་མྱ་ངན་འདས་པར་རེ་དོགས་བྲལ།། ལྷུན
111b3 གྲུབ་སེམས་ཀྱི་རང་བཞིན་ཅིར་སྣང་བས།། མ་བྱུང་སྟོང་པའི་དོན་དུ་སྒྲ་མི་བྱེད།། གཞི་རྩ་སྙིང་པོ་རྟོག་དཔྱོད་ལས་འདས་པས།། གྲུབ་ཅིང་བརྟན་པའི་ཕྱོགས་སུ་ཞེན་མི་བྱེད།། ཀྱེ་སེམས་དཔའ་རྡོ་རྗེ་ལེགས་པར་ད།
111b4 སྒོམས་ཤིག། ལྷུན་གྲུབ་རྟོག་དཔྱོད་འདས་པའི་སྙིང་པོ་ལ།། གྲུབ་དང་མ་གྲུབ་དོན་ལ་རྟོག་མི་བྱེད།། དེ་ཕྱིར་ཁྱོད་ཀྱང་རྟོགས་པར་མ་བྱེད་ཅིག། ཀྱེ་ལྷུན་གྲུབ་བྱ་རྩོལ་འདས་པའི་སྙིང་པོ་ལ།། གང་ཞིག་ཕྱོགས་ལྡོག
111b5 མེད་པའི་ཞེན་པ་ནི།། ཇི་ལྟར་ནུས་པ་མཁའ་ལ་རྩོད་པ་ལྟར།། ཀུན་བྱེད་ང་ཡི་རང་བཞིན་མཐོང་མི་འགྱུར།། གང་གིས་གང་སྤངས་ལྡོག་པར་འདོད་པ་ནི།། རེ་དོགས་འཇིགས་པའི་སེམས་དང་མ་བྲལ་བས།། མཐའ
111b6 བྲལ་མཐའ་ལ་ཞེན་པའི་གང་ཟག་གིས།། ལྷུན་གྲུབ་སྙིང་པོའི་དོན་ལ་ཇི་ལྟར་རེག། ཀྱེ་སེམས་དཔའ་རྡོ་རྗེ་ལེགས་པར་ད་སྒོམས་ཤིག། མ་སྐྱེས་རྣམ་པར་དག་པའི་དོན་སྣང་བས།། སྣང་བ་དངོས་པོར་མི་ལྟ་འཇིག་མི
iiif viewer powered by OpenSeadragon
