| e-texts navigator |
| Wylie |
110b1 རང་འབྱུང་སྙིང་པོའི་ངང་ལ་སྒྲིབ་པ་བསལ་དུ་མེད་པའི་དགོངས་པ་འདི་གསུངས་སོ།། ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ཡིས།། སྙིང་པོ་སྒྲིབ་མེད་དགོངས་པར་ལུང་བསྟན་པ།། ཇི་ལྟར་སྣང་བའི་ཆོས་རྣམས་མ
110b2 ལུས་པ།། སྐྱེ་མེད་ཆོས་ཀྱི་དབྱིངས་སུ་ཀུན་གཅིག་པས།། སྐྱེ་མེད་སྙིང་པོ་ཐུགས་ཀྱི་རང་བཞིན་ལ།། སྒྲིབ་དང་མི་སྒྲིབ་ཁྱད་པར་བསྟན་པ་མེད།། ཀྱེ་སེམས་དཔའ་རྡོ་རྗེ་ལེགས་པར་ད་སྒོམས་ཤིག། སྐྱེ་མེད་ཆོས་ཀྱི
110b3 དབྱིངས་སུ་གཅིག་པ་ལ།། སྒྲིབ་དང་མི་སྒྲིབ་སྤོང་ལེན་གང་འདོད་པ།། དམ་པའི་སྙིང་པོའི་དོན་དང་འགལ་བར་འགྱུར།། ཀུན་བྱེད་བྱང་ཆུབ་སེམས་ཀྱིས་ལུང་བསྟན་པ།། སྐྱེ་མེད་བསྒོམས་པས་སྐྱེ་བ་སྙིང་པོར
110b4 གསལ།། མཁའ་ལྟར་རྟོག་དཔྱོད་འདས་ལ་གང་གནས་པས།། སྒྲིབ་དང་མི་སྒྲིབ་བྱང་ཆུབ་སེམས་སུ་གནས།། ཀྱེ་ཀུན་བྱེད་རྒྱལ་པོས་འཁོར་ལ་ལུང་བསྟན་པ།། ཡེ་ཤེས་སྒྲིབ་མེད་གསལ་བའི་དོན་དུ་བསྟན།། རང
110b5 འབྱུང་རྒྱུ་རྐྱེན་མེད་པའི་སྙིང་པོར་གནས།། རྟོགས་པས་སྒྲོ་སྐུར་འདས་པའི་དགོངས་པ་ཡིན།། ཀྱེ་དེ་ཕྱིར་སེམས་དཔའ་རྡོ་རྗེ་ད་སྒོམས་ཤིག། རང་འབྱུང་ཡེ་ཤེས་དམིགས་པ་ཀུན་ལས་འདས།། རྟོགས་པ་དམིགས
110b6 པའི་དོན་དུ་གཞོག་མི་བྱེད།། ཡུལ་ལས་འདས་པས་རྣམ་ཤེས་སྲུང་མི་བྱེད།། དངོས་པོ་སྙིང་པོར་གསལ་བས་སྒོམ་མི་བྱེད།། རྣམ་པ་སྙིང་པོར་གསལ་བས་རེ་དོགས་མེད།། ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ
iiif viewer powered by OpenSeadragon
