| e-texts navigator |
| Wylie |
10b1 བའི་བརྗོད་མེད་དེ་རིག་བྱེད།། ཆོས་ཀུན་བྱང་ཆུབ་སེམས་ཡིན་དེ་དཔེ་ནི།། ཀུན་དཔེ་ནམ་མཁའ་ལྟ་བུའི་རང་བཞིན་དུ།། བྱང་ཆུབ་སེམས་ཀྱི་དོན་ཡང་དེ་བཞིན་ནོ།། ནམ་མཁའ་རླུང་ཆུས་ས་མེ་སྣང་བ་ལྔ།། བྱང
10b2 ཆུབ་སེམས་ལས་རྨད་བྱུང་མངོན་སངས་རྒྱས།། སྲིད་གསུམ་ལམ་ལྔ་འགྲོ་དྲུག་སྣང་བ་ཡང་།། རྣམ་སྨིན་ལས་ཀྱིས་མི་བསྐྱོད་མངོན་སངས་རྒྱས། ཁམས་གསུམ་ཡེ་ནས་བྱང་ཆུབ་སྐུ་གསུང་ཐུགས།། དེ་བས་སྣང་སྲིད
10b3 སྣོད་བཅུད་ཐམས་ཅད་ཀུན།། ནམ་མཁའི་ངང་ན་མི་གནས་མེད་པ་བཞིན།། བྱང་ཆུབ་སེམས་ཀྱི་ཀློང་ཆེན་ཡུལ་ཆེ་བས།། སངས་རྒྱས་སེམས་ཅན་སྣོད་བཅུད་ཀུན་ཀྱང་གནས།། ཐམས་ཅད་རྣམ་པར་དག་པའི་ཆོས
10b4 ཉིད་ལ།། གཉིས་སུ་མེད་དེ་སྒོ་སྐུར་ཀུན་དང་བྲལ།། གང་གིས་མེད་པའི་སྙིང་པོ་སེམས་མ་མཐོང་།། བསྐལ་པ་དུ་མར་དོན་དང་ཕྲད་མི་འགྱུར།། ཆོས་ཀུན་རྩ་བ་བྱང་ཆུབ་སེམས་སུ་གཅིག། སངས་རྒྱས་སེམས་ཅན
10b5 སྣང་སྲིད་སྣོད་བཅུད་ཀུན།། ཐམས་ཅད་འབྱུང་བའི་བྱང་ཆུབ་སྙིང་པོ་ལ།། གཅིག་ཏུ་མེད་ལས་བགྲངས་ན་བརྗོད་མི་ལང་།། སངས་རྒྱས་སྐུ་གསུང་སེམས་ཅན་ལུས་ངག་ཀྱང་།། བྱང་ཆུབ་སེམས་ཡིན་ཡེ་ནས་གཟུང
10b6 འཛིན་བྲལ།། གཟུང་འཛིན་བྲལ་བ་གང་གིས་གྲུབ་པ་དེ།། དེས་ནི་ཀུན་གྲུབ་ཆོས་ཀྱི་རྩ་བ་གྲུབ།། བྱང་ཆུབ་སེམས་ཀྱི་མདོ་རྩ་གཅིག་པུ་ལ།། སེམས་ཤིང་རྟོག་ལ་དགའ་བས་རྣམ་པར་བགྲངས།། གཉིས་དང་གྲངས།
iiif viewer powered by OpenSeadragon
