| e-texts navigator |
| Wylie |
109a1 མེད་པས་འགག་པ་མེད་པ་ཡིན།། འཕེལ་བ་མེད་ཅིང་ཡོངས་སུ་འགྲིབ་མི་བྱེད།། མཚན་མ་མིན་ཞིང་དེ་ཉིད་མིན་པའང་མིན།། ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ངས།། ཇི་ལྟར་སྣང་བའི་ཆོས
109a2 རྣམས་ཐམས་ཅད་ཀུན།། སྐྱེ་བ་མེད་པའི་ངོ་བོར་བྱིན་བརླབས་པས།། རྟོགས་པ་དེ་ཉིད་ངང་དུ་ལྡོག་པར་འགྱུར།། ཀུན་བྱེད་རྒྱལ་པོ་ང་ཡི་བྱིན་རླབས་ཀྱིས།། སེམས་དཔའ་རྡོ་རྗེས་ཇི་ལྟར་རྟོགས་པ་ལྟར།། ཕྱི་རབས
109a3 ཀུན་བྱེད་ལུང་ལ་དད་པ་ལ།། དངོས་པོ་སྐྱེ་བ་མེད་པར་བྱིན་རློམས་ཤིག། དེ་ལྟར་བསྒོམ་དུ་མེད་པའི་སྙིང་པོ་ལ།། མ་ཡེངས་དྲན་པས་བཟུང་བ་མན་ངག་ཡིན།། ཀུན་བྱེད་རྒྱལ་པོ་བྱང་ཆུབ་སེམས་འདི་ལ།། བཤད
109a4 པས་མ་ཡིན་ཚིགས་སུ་བཅད་པས་མིན།། བསྒོམས་པས་མ་ཡིན་མ་བསྒོམས་པས་ཀྱང་མིན།། སྙིང་པོ་སྔགས་དང་ཕྱག་རྒྱ་ཀུན་ལས་འདས།། ཀྱེ་ཀུན་བྱེད་རྒྱལ་པོ་ང་ཡིས་བསྟན་པའི་ས།། མ་ལུས་འདི་ལ་བརྟེན་པས
109a5 ལེན་མེད།། ཕྱོགས་ཆ་མེད་པར་ཁྱབ་པས་ཆེ་ཆུང་མེད།། ཆོས་ཀྱི་དབྱིངས་སུ་གནས་པས་རྟོག་དང་མི་རྟོག་མེད།། དེ་ཕྱིར་དུས་གཅིག་གནས་པའི་ས་འདི་ལ།། སེམས་དཔའ་རྡོ་རྗེ་ལེགས་པར་གནས་པར
109a6 གྱིས།། ཞེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་དོན་ལ་སྦྱང་མེད་ཀྱི་ལེའུ་སྟེ་བདུན་ཅུ་བདུན་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་མཉམ་པ་ལ་བླང་དོར་མེད་པའི
iiif viewer powered by OpenSeadragon
