| e-texts navigator |
| Wylie |
108a1 བཞིན་ཏེ་བྱས་པས་བསླུས།། ཀྱེ་སེམས་དཔའ་རྡོ་རྗེ་དོན་ལ་ལེགས་པར་སྒོམས།། ང་ནི་སྟོན་པ་ཀུན་བྱེད་རྒྱལ་པོ་སྟེ།། དུས་གསུམ་རྒྱལ་བ་ཀུན་གྱི་ལམ་འདྲེན་པས།། ཁྱོད་ཀྱང་ང་ཡི་ལམ་ལ་ལེགས
108a2 པར་ཞུགས།། འདས་པའི་སངས་རྒྱས་སྐྱེ་མེད་ལམ་དུ་ཞུགས།། མ་བྱོན་སྐྱེ་མེད་ལམ་ལ་འཇུག་པར་འགྱུར།། ད་ལྟར་སངས་རྒྱས་སྐྱེ་མེད་ཉིད་ལ་གནས།། དེས་ན་ཀུན་བྱེད་རྒྱལ་པོ་ཀུན་གྱི་ལམ།། ཀྱེ་ལམ་འདིར
108a3 འཇུག་ཅིང་བསྒོམ་པའི་རྣལ་འབྱོར་པ།། ད་ལྟ་ཉིད་ལས་རྒྱལ་བའི་ས་ལ་གནས།། དགོངས་པ་མི་འཛིན་ཕྱོགས་རིས་གཟུང་དུ་མེད།། སྙིང་པོའི་ལམ་ལ་འཇུག་དང་མི་འཇུག་འདས།། ཀྱེ་རྣལ་འབྱོར་དུས་གཅིག་འཇུག
108a4 པའི་སྐལ་ལྡན་ལ།། ཀུན་བྱེད་རྒྱལ་པོའི་དགོངས་པ་བསྟན་བྱས་ནས།། རྟོགས་པའི་རླུང་ལ་དྲན་ཞིང་འདྲིས་པ་ལས།། བསྒོམ་ཞིང་འཇུག་ཏུ་མེད་པར་ལུང་སྟོན་ཅིག། ཀྱེ་ང་ནི་སྟོན་པ་ཀུན་བྱེད་བྱང་ཆུབ་སེམས།། མ
108a5 ལུས་ཀུན་བྱས་བྱང་ཆུབ་སེམས་སུ་བྱས།། སེམས་ཉིད་སྐྱེ་བ་མེད་པའི་ལམ་དུ་བྱས།། སྐྱེ་མེད་བདེ་བའི་ལམ་ལ་འཇུག་ཏུ་མེད།། སྐལ་ལྡན་རྒྱལ་སྲས་དམ་པར་ངེས་པ་ལ།། ཀུན་བྱེད་ང་ཡི་ལམ་འདི་གོམས་བྱས
108a6 ནས།། བགྲོད་མེད་རྩལ་མེད་སྙིང་པོའི་དོན་རྟོགས་ནས།། ཀུན་བྱེད་རྒྱལ་པོ་ཉིད་དུ་ཐེ་ཚོམ་མེད།། ཅེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་སྙིང་པོ་ལམ་ལ་གནས་པའི་ལེའུ་སྟེ་བདུན་ཅུ་དྲུག
iiif viewer powered by OpenSeadragon
