| e-texts navigator |
| Wylie |
107b1 ནི་ཀུན་བྱེད་རྒྱལ་པོར་ངས་ལུང་བསྟན།། ཞེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་རིག་པ་དབང་སྦྱར་ལ་གནས་པའི་ལེའུ་སྟེ་བདུན་ཅུ་ལྔ་པའོ།། །། དེ་ནས་བྱང་ཆུབ་ཀྱི་སེམས
107b2 ཀུན་བྱེད་རྒྱལ་པོས་སྙིང་པོ་དོན་གྱི་ལམ་འདི་གསུངས་སོ།། ཀྱེ་སེམས་དཔའ་རྡོ་རྗེ་དོན་ལ་ད་སྒོམས་ཤིག། སྙིང་པོ་མི་རྟོགས་དོན་གྱི་ལམ་འདི་ལ།། ནམ་མཁའི་མཐའ་ལྟར་གནས་པས་མ་ཁྱབ་མེད།། སྐྱེ་མེད་མིན་པ
107b3 མེད་པས་མི་སྒོམ་མེད།། རྟོག་དཔྱོད་ཡུལ་ལས་འདས་པས་དམིགས་སུ་མེད།། སྙིང་པོ་མཚན་མ་འདས་པའི་ཡུལ་འདི་ལ།། བགྲོད་པའི་ཡུལ་ལས་འདས་པས་བགྲོད་པ་མེད།། ལམ་ལ་མི་བགྲོད་ས་ལ་མི་སྦྱོང
107b4 ཞིང་།། མི་རྟོག་བདེ་ལ་གནས་པས་ལྷུན་གྱིས་གྲུབ།། ཀྱེ་ཀུན་བྱེད་རྒྱལ་པོ་ང་ཡི་ལམ་ཉིད་ནི།། ཆོས་ཀྱི་དབྱིངས་སུ་གཅིག་པས་བགྲོད་དུ་མེད།། སྙིང་པོ་དོན་དང་འགྲོགས་པས་ཡེངས་པ་མེད།། ཐིག་ལེ་གཅིག་ཏུ
107b5 འདུས་པས་གར་མི་འགྲོ།། ཀྱེ་དེ་ཡི་དོན་ལ་སེམས་དཔའ་རྡོ་རྗེ་བསྒོམ།། བསྒོམ་དུ་མེད་པའི་དོན་ལ་མ་བསྒོམས་ན།། མཚན་མའི་གྲངས་ལ་བསྐལ་པ་བརྒྱར་བསྒོམས་ཀྱང་།། ཀུན་བྱེད་ང་ཡི་དགོངས་པ་རྟོགས་མི
107b6 འགྱུར།། རྣམ་རྟོག་ཡུལ་ལ་མཚན་མའི་གྲངས་ལས་འདས།། ཀུན་བྱེད་བྱ་མི་དགོས་ལ་བྱར་ཡང་མེད།། བྱ་བ་མཚན་མའི་རྣལ་འབྱོར་རྗེས་ཞུགས་ཤིང་།། བྱ་བས་མི་ཟིན་རྟོག་པས་རྟོག་པ་འཇིལ།། ཆུ་ལས་རྙོག་མ
iiif viewer powered by OpenSeadragon
