| e-texts navigator |
| Wylie |
107a1 ཀུན་བྱེད་རྒྱལ་པོ་ང་ཉིད་ནི།། རང་འབྱུང་སྒོམ་དུ་མེད་པའི་སྙིང་པོ་སྟེ།། ཡེ་ཤེས་གསལ་བ་བསྒྲུབ་པ་མེད་པ་ཡིན།། དབང་ནི་རྟོགས་པས་རེ་དོགས་བཅད་པ་ཡིན།། འདི་ལ་ངེས་པར་འཇུག་པའི་རྣལ
107a2 འབྱོར་པས།། ཤིན་ཏུ་རྣལ་འབྱོར་རྒྱུ་འབྲས་འདས་པའི་ལུང་།། མ་བཅོས་ཡེ་ཤེས་ཀུན་བྱེད་རྒྱལ་པོ་ལ།། གང་ལྟར་འདི་ལྟར་འཇོག་ཅེས་ལུང་མི་སྟོན།། སྔ་བར་མ་གསུངས་ཕྱིས་ཀྱང་མི་གསུང་ཞིང་།། ད་ལྟར་བྱུང
107a3 བར་གསུང་བར་མི་མཛད་དོ།། ཀྱེ་སྟོན་པའི་ངོ་བོ་ཀུན་བྱེད་རྒྱལ་པོ་ཡིས།། བསྒོམ་ཞིང་བསམ་དུ་མེད་པའི་ཆོས་ཉིད་ལ།། མ་བསམས་ཡལ་བར་གནས་པས་འཁོར་བ་ཉིད།། བཙལ་ཞིང་བསྒོམས་པས་རྟོག་པའི
107a4 མཚན་མའི་ལམ།། དེ་བས་རེ་དོགས་བཅས་པའི་ཏིང་འཛིན་ནི།། གནས་པས་གྲོལ་བར་ཀུན་བྱེད་ལུང་མི་སྟོན།། ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ཡིས།། རྟོགས་པས་གཉི་གའི་འཆིང་བ་རབ་བཅད་ནས།། མི
107a5 འགལ་མཉམ་པའི་དོན་ལ་གནས་བྱས་པས།། ཀུན་བྱེད་ང་ཡི་དགོངས་པ་ལྷུན་གྱིས་གྲུབ།། ཀྱེ་གང་གིས་འཆིང་བ་དེ་རྟོགས་བཅད་བྱས་ཤིང་།། གྲོལ་བར་མི་འཇུག་མྱ་ངན་འདས་མི་ལེན།། སྙིང་པོའི་དོན་ལ་ཕྱོགས
107a6 རིས་དམིགས་མི་འཛིན།། དོན་ལ་མི་སྒོམ་སྙིང་རྗེ་ཡུལ་མི་འཇུག། ཀྱེ་ཀུན་བྱེད་རྒྱལ་པོ་ང་ཡིས་གང་བསྟན་པ།། སེམས་དཔའ་རྡོ་རྗེས་དོན་ལ་གོམས་པར་གྱིས།། ཡེ་ཤེས་དྲན་པས་དབང་སྒྱུར་རིག་པའི་ངང་།། འདི
iiif viewer powered by OpenSeadragon
