| e-texts navigator |
| Wylie |
106b1 སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་སྙིང་པོ་དོན་ལ་གནས་པའི་ལེའུ་སྟེ་བདུན་ཅུ་བཞི་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་རིག་པ་དབང་སྒྱུར་ལ་གནས་པ་འདི་གསུངས
106b2 སོ།། ཀྱེ་སེམས་དཔའ་རྡོ་རྗེ་ཇི་བཞིན་ཉིད་སྒོམས་ཤིག། རིག་པའི་རྒྱལ་པོས་གསལ་བར་དབང་སྒྱུར་ནས།། མཚན་མའི་བདེ་བའི་དབང་ལ་རག་མི་ལུས།། རྟོགས་ནས་མི་རྟོག་དོན་ལ་ཇི་བཞིན་ཞོག། ཀྱེ་ཀུན་བྱེད
106b3 རྒྱལ་པོ་དབང་ཐོབ་རིག་པ་ན།། དངོས་པོ་མ་བཅོས་ཇི་བཞིན་རྟག་ཏུ་ཤར།། རྒྱུ་དང་རྐྱེན་མེད་ཞི་བ་མཆོག་གི་ལམ།། གཞི་བཞག་གང་ལྟར་བཞག་ཀྱང་དེ་ཉིད་དང་།། ཀུན་བྱེད་རྒྱལ་པོ་ཐབས་ཆེན་རྟོགས་པའི
106b4 དབང་།། ཀུན་ཀྱང་ཇི་བཞིན་ཡུལ་ལ་འཇུག་པ་ན།། སྐྱོན་དང་ཡོན་ཏན་གཉི་ག་མཉམ་ཤེས་ནས།། འཇུག་དང་མི་འཇུག་དོན་ལས་ཤིན་ཏུ་འདས།། ཀྱེ་ཀུན་བྱེད་རིག་པས་དབང་སྒྱུར་དགོངས་པ་འདི།། ངག་གིས
106b5 སྒྲསླར་མེད་དམིགས་པའི་ཡུལ་ལས་འདས།། དྲན་པ་ཞི་ཞིང་སྤྲོས་པ་མེད་པ་སྟེ།། མཁའ་ལྟར་ཁྱབ་ཅིང་ཕྱོགས་ཆ་ཡོངས་ཀྱིས་མེད།། ཀྱེ་སེམས་དཔའ་རྡོ་རྗེ་དེ་བཞིན་ཉིད་སྒོམས་ཤིག། བསྒོམ་དང་མི་སྒོམ་ཡུལ་ལས
106b6 འདས་པ་ལ།། གཉིས་ཀ་འབྱུང་འཇུག་རེ་དོགས་མེད་པ་ཡིས།། མཉམ་པར་མི་འཇུག་དོན་ལ་སྒོམ་མི་བྱེད།། དབང་པོ་དངོས་གྲུབ་མི་ལེན་བཅོས་སུ་མེད།། ཀུན་བྱེད་རྒྱལ་པོ་ཉིད་ལ་གུས་པར་གནས།། ཀྱེ་སྟོན་པ
iiif viewer powered by OpenSeadragon
