| e-texts navigator |
| Wylie |
106a1 བཀོད་པ་ཡིན།། ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ཡིས།། སྙིང་པོ་རིག་པའི་དཀྱིལ་འཁོར་བཀོད་པ་ནི།། ཇི་ལྟར་དྲན་རིག་རྟོག་པ་ཐམས་ཅད་ཀུན།། མ་སྐྱེས་ཀུན་བྱེད་ཉིད་ཀྱི་དོན་དུ་རིག། ཀུན
106a2 བྱེད་ང་ཡི་སྐུ་གསུང་ཐུགས་ཉིད་ནི།། མ་བཅོས་རྣལ་དུ་བཞག་པའི་དཀྱིལ་འཁོར་གསུམ།། མ་བཀོད་དུས་གཅིག་རྫོགས་པའི་དོན་རྟོགས་པས།། ལྷུན་གྲུབ་སྙིང་པོ་དོན་ལ་འཇུག་པར་བྱེད།། ཀྱེ་སེམས་དཔའ་རྡོ་རྗེ་ཇི
106a3 བཞིན་ཉིད་སྒོམས་ཤིག། རང་འབྱུང་སྙིང་པོ་མཆོག་གི་དཀྱིལ་འཁོར་ལ།། སྒོ་གསུམ་ལྷུག་པས་ཇི་བཞིན་དང་བཞག་ན།། ཀུན་བྱེད་ང་ཡི་དགོངས་པར་གནས་པ་ཡིན།། སྔ་རབས་འདས་པའི་ཀུན་བྱེད་རྒྱལ་པོས
106a4 ཀྱང་།། དགོངས་པ་རྣལ་དུ་བཞག་པས་དོན་རྫོགས་ལ།། མ་བྱོན་དུས་ཀྱི་ཀུན་བྱེད་རྒྱལ་པོས་ཀྱང་།། མ་བཅོས་རྣལ་དུ་བཞག་པས་དོན་རྫོགས་འགྱུར།། ད་ལྟར་བཞུགས་པའི་ཀུན་བྱེད་རྒྱལ་པོས་ཀྱང་།། དགོངས་པ
106a5 རྣལ་དུ་བཞག་སྟེ་གནས་པ་ཡིན།། ཀྱེ་སེམས་དཔའ་རྡོ་རྗེ་ཆེན་པོ་ཁྱོད་སྒོམས་ཤིག། ང་ཡི་འཁོར་དུ་གཏོགས་པའི་རྣལ་འབྱོར་པ།། ཀུན་བྱེད་རྒལ་པོའི་དགོངས་པ་འདི་ཉིད་ལ།། མ་བཙལ་རྣལ་དུ་བཞག་པར
106a6 སྟོན་ཅིག། དགོངས་པ་རྣལ་དུ་བཞག་པའི་དོན་འདི་ནི།། ཀུན་གྱི་སྤྱོད་ཡུལ་མིན་པས་མི་ཤེས་ཤིང་།། མཉམ་པར་བཞག་པས་རྟོགས་པའི་ཡུལ་ལས་འདས།། ཀུན་བྱེད་རྒྱལ་པོ་དེ་ལ་གནས་པར་བྱེད།། ཅེས་གསུངས
iiif viewer powered by OpenSeadragon
