| e-texts navigator |
| Wylie |
105a1 ཇི་བཞིན་ཉིད་དུ་སེམས་དཔའ་ཞོག། ཇི་བཞིན་མ་བཅོས་རྒྱལ་བའི་དགོངས་པ་ལ།། སེམས་དང་སེམས་ལས་བྱུང་བ་ཅི་སྐྱེས་ཀྱང་།། དེ་ཉིད་སྐྱེ་མེད་ཉིད་དུ་གནས་ཤེས་ན།། བྱ་རྩོལ་མཚན་མའི་འདུ
105a2 ཤེས་ཀུན་དང་བྲལ།། ཀྱེ་སེམས་དཔའ་རྡོ་རྗེ་ཇི་བཞིན་ཉིད་སྒོམས་ཤིག། རྟོགས་པ་རང་སར་གྲོལ་བའི་ལྟ་བ་ལ།། མ་ཡེངས་རང་བཞིན་བཞག་པས་བྱ་བཙལ་མེད།། ཀུན་ཀྱང་རང་འབྱུང་རང་སར་གྲོལ་བ་ཡིན།། ཀྱེ
105a3 སེམས་དཔའ་རྡོ་རྗེ་ཇི་བཞིན་ཉིད་སྒོམས་ཤིག། རང་ལུས་མི་བཅོས་དབང་པོ་མི་རྟུལ་ཏེ།། ངག་ཀྱང་མི་གདམས་བྱ་རྩོལ་བྱར་ཡང་མེད།། སེམས་ཀྱང་གར་གཏད་མི་གཡོའི་ངང་ལ་བཞག། བྱ་བ་མེད་པའི་ཕྲིན་ལས
105a4 འདི་བསྒོམས་པས།། བྱས་པ་མེད་པར་དོན་ཀུན་རྫོགས་པར་འགྱུར།། ཀྱེ་ཇི་བཞིན་རྩོལ་བྲལ་བདེ་བ་ཆེན་པོ་ལ།། སྒོ་གསུམ་མི་རྩོལ་བཅོས་ཤིང་དམིགས་མི་བྱེད།། ཡིད་ལ་མི་བྱེད་མཚན་མའི་རྗེས་མི
105a5 འབྲངས།། རང་འབྱུང་ཡེ་ཤེས་བདེ་བའི་དོན་ལ་བཞག། འདི་ནི་རང་འབྱུང་འོད་གསལ་དགོངས་པ་སྟེ།། ཀུན་བྱེད་རྒྱལ་པོའི་དགོངས་པའི་ཕྲིན་ལས་སོ།། ཀྱེ་སེམས་དཔའ་རྡོ་རྗེ་ཇི་བཞིན་ཉིད་སྒོམས་ཤིག། མ་བཅོས
105a6 ཇི་བཞིན་ཉིད་ལ་འཇུག་པ་ལ།། ཚད་མ་མི་དགོས་གཉེན་པོས་བཅོས་མི་དགོས།། རྟོགས་པའི་དོན་ལ་མ་བཅོས་དེ་བཞིན་ཞོག། ཀྱེ་བྱ་བ་མེད་པའི་རང་བཞིན་ལས་འདི་ལ།། སྒོ་གསུམ་རྩོལ་བ་བྱས་པས་ཟིན་མི
iiif viewer powered by OpenSeadragon
