| e-texts navigator |
| Wylie |
103a1 པ།། མ་ལུས་སྐྱེ་མེད་རྣམ་དག་ཏིང་འཛིན་ཏེ།། བསྒོམ་དང་མི་སྒོམ་རྐྱེན་ལ་རག་མ་ལུས།། བསྒོམ་བྱ་ཇི་ལྟར་སྣང་བའི་ཆོས་རྣམས་ཀུན།། གང་དུ་ཇི་ལྟར་བཞག་པའི་ཚུལ་མེད་པར།། མ་བཙལ་རང
103a2 སར་བཞག་པས་བསྒོམས་པ་ཡིན།། ཀྱེ་བསྒོམ་དུ་མེད་པའི་མན་ངག་འདི་དག་ལ།། ཚིག་དང་སྒྲ་ལས་འདས་པའི་དོན་ཡིན་ཕྱིར།། སྔ་རབས་ཀུན་བྱེད་རྒྱལ་པོས་ལུང་མ་བསྟན།། ཕྱི་རབས་ཀུན་བྱེད་རྒྱལ་པོས་ལུང་མི
103a3 སྟོན།། ད་ལྟར་ཀུན་བྱེད་རྒྱལ་པོས་ལུང་བསྟན་མེད།། ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ཡིས།། མ་ནོར་དགོངས་པའི་དོན་ལ་ལུང་བསྟན་པ།། སྒྲོ་སྐུར་འདས་པ་དོན་གྱི་སྙིང་པོ་ལ།། བསྒོམ་དང་མི་སྒོམ་མཁའ་ལ
103a4 རྩོད་པ་འདྲ།། རྟོགས་པའི་དོན་ལས་མ་ཡེངས་དགོངས་པ་སྟེ།། དངོས་པོ་མ་ཡིན་དངོས་པོ་མེད་མ་ཡིན།། ཕྱོགས་མིན་ཕྱོགས་ལས་འདས་པ་མ་ཡིན་པར།། བསྒོམ་དང་མི་སྒོམ་ཕྱོགས་ལ་གནས་མི་བྱེད།། ཀྱེ་སྟོན
103a5 པའི་སྟོན་པ་ཀུན་བྱེད་རྒྱལ་པོ་ངས།། བསྒོམ་དང་མི་སྒོམ་མཚོན་པར་མི་ནུས་ལྟར།། སྙིང་པོ་དོན་ལ་གནས་པའི་རྣལ་འབྱོར་དང་།། སེམས་དཔའ་རྡོ་རྗེ་དེ་ལ་གནས་པར་བྱ།། ཀྱེ་དུས་གསུམ་སྟོན་པ་ཀུན་བྱེད་རྒྱལ་པོ
103a6 ཡིས།། སྐྱེ་མེད་བྱང་ཆུབ་སེམས་ཀྱི་དགོངས་པ་ལ།། མིང་དང་ཐ་སྙད་ཚིག་ཏུ་འདིའོ་ཞེས།། མ་བསྟན་མི་སྟོན་བསྟན་པར་མི་མཛད་དོ།། ལྟ་བ་བསྒོམ་དུ་མེད་པར་དོན་རྟོགས་ན།། བསྒོམ་དང་མི་སྒོམ་རེས་འཇོག་ལོག
iiif viewer powered by OpenSeadragon
