| e-texts navigator |
| Wylie |
102b1 འདི་ལ།། བསྒོམ་དུ་ཡོད་དང་མེད་པའི་ལུང་མི་སྟོན།། རེ་དོགས་སྒྲོ་སྐུར་འཛིན་པའི་སེམས་མི་འཇོག། ཅེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་བསྒོམ་དུ་ཡོད་མེད་བསྟན་པའི་ལེའུ་སྟེ་བདུན་ཅུ
102b2 པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་ལྟ་བ་སྒོམ་མེད་ཀྱི་དགོངས་པ་འདི་གསུངས་སོ།། ཀྱེ་ང་ནི་སྟོན་པ་ཀུན་བྱེད་རྒྱལ་པོ་སྟེ།། ང་ལས་བྱུང་བའི་སྟོན་པ་སྐུ་གསུམ་གྱིས།། མཚན་མ་རྟོག
102b3 པས་འདུལ་བའི་གང་ཟག་ལ།། མཚན་མ་རྟོག་པའི་ཏིང་འཛིན་གྲངས་སུ་བསྟན།། ལ་ལས་ཞི་བའི་ཏིང་འཛིན་སྒོམ་པར་བྱེད།། ལ་ལས་ཟབ་མོའི་ཏིང་འཛིན་སྒོམ་པར་བྱེད།། ལ་ལས་ཞི་གནས་ལྷག་མཐོང་འབྲེལ་བ
102b4 ཡི།། བདག་མེད་ཏིང་ངེ་འཛིན་ལ་གནས་པར་བྱེད།། ལ་ལ་མཚན་མ་དག་པ་ལ་བརྟེན་ནས།། མཚན་མ་རྗེ་དང་འབངས་སུ་དམིགས་པར་བྱེད།། ལ་ལ་ལྟ་སྤྱོད་འབྲེལ་མེད་ལ་བརྟེན་ནས།། འབྲེལ་བའི་ཏིང་ངེ་འཛིན།
102b5 ལ་གནས་པར་བྱེད།། ལ་ལ་མཚན་མེད་དོན་ལ་བརྟེན་བྱས་ཤིང་།། མཚན་མའི་ཏིང་ངེ་འཛིན་ལ་གནས་པར་བྱེད།། ལ་ལས་རང་རྒྱུད་དག་པ་ལ་བརྟེན་ནས།། རྣམ་གསུམ་འཕྲོ་འདུའི་དོན་ལ་གནས་པར་བྱེད།། ལ་ལ
102b6 རྒྱུ་འབྲས་དག་པ་གཙོར་བྱས་ནས།། འོད་ཀྱི་ཏིང་ངེ་འཛིན་ལ་གནས་པར་བྱེད།། འདི་དག་མཚན་མ་གྲངས་ཀྱི་ཏིང་འཛིན་ཏེ།། སྟོན་པ་ཀུན་བྱེད་རྒྱལ་པོས་ལུང་མ་བསྟན།། ཀྱེ་སྟོན་པ་ཀུན་བྱེད་ང་ཡིས་ལུང་བསྟན
iiif viewer powered by OpenSeadragon
