| e-texts navigator |
| Wylie |
101a1 པ་བསྒྲགས་པ་མཛད་དོ།། ཨེ་མ་ཧོ་སེམས་དཔའ་རྡོ་རྗེའི་སྐུ།། རྒྱལ་བ་ཀུན་གྱིའང་སྐུ་གསུང་ཟུགས།། གསང་བའི་མཛོད་ལ་མངའ་བརྙེས་ཤིང་།། སྨྲ་བའི་སེང་གེ་བླ་ན་མེད།། དམ་པའི་གསང་བ
101a2 རྟོགས་པའི་ཐུགས།། གསང་བ་རྒྱ་མཚོ་སྒྲོགས་པའི་གསུང་།། ཡོན་ཏན་ལྷུན་གྲུབ་རྫོགས་པའི་སྐུ།། ཁྱོད་ནི་རྒྱལ་བའི་སྲས་པོ་སྟེ།། ཀུན་བྱེད་རྒྱལ་པོ་ང་ཉིད་ལྟར།། རྒྱལ་བ་ཀུན་གྱི་མེས་པོ་གྱིས།། ས་ཁམས་རྣམས་ཀྱི
101a3 མུན་སེལ་གྱིས།། རྣལ་འབྱོར་རྣམས་ཀྱི་བླ་མ་གྱིས།། གསང་བ་ཀུན་གྱི་རྒྱལ་པོ་སྟེ།། བསྟན་པ་ཕྱི་མ་གསང་བ་འདི།། རྣལ་འབྱོར་པ་ལ་ལུང་སྟོན་ཅིག། ཅེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས
101a4 རྟོགས་པ་བསྒྲགས་ཤིང་བསྟོད་པའི་ལེའུ་སྟེ་དྲུག་ཅུ་རྩ་དགུ་པའོ།། །། རྒྱུད་ཕྱི་མ་ཞེས་བྱ་བ་མདོ་ལུང་བཅུ་གཉིས་པ་རྫོགས་སོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས
101a5 ཆོས་ཐམས་ཅད་སྐྱེ་བ་མེད་པར་མཉམ་པ་ལ་གཟིགས་ཤིང་དགོངས་ནས་ཅངད་ཡང་མི་གསུང་བར་བཞུགས་སོ།། དེའི་ཚེ་སེམས་དཔའ་རྡོ་རྗེ་དེ་ཉིད་ཀྱང་སྟོན་པ་དེ་ལྟར་གྱུར་པ་ཡང་རིག། ཆོས་ཐམས་ཅད་སྐྱེ་བ་མེད
101a6 པར་རྟོགས་པ་ལ་དགོངས་ནས་ཅད་ཡང་མི་སྨྲ་བར་འཁོད་དོ།། དེ་ནས་ཕྱོགས་བཅུ་ནས་ལྷགས་ཤིང་འཁོད་པའི་འདུས་པ་ཕལ་མོ་ཆེ་དག་གིས་དེ་ལྟར་རྟོགས་ནས་སེམས་དཔའ་རྡོ་རྗེ་ལ་འདི་སྐད་ཅེས་བསྐུལ
iiif viewer powered by OpenSeadragon
