| e-texts navigator |
| Wylie |
100b1 ཀྱིས་བྱས། ཁམས་གསུམ་སེམས་ཅན་ཁྱོད་ཀྱིས་བྱས།། རྒྱུད་དྲུག་ལམ་ལྔ་ཁྱོད་ཀྱིས་བྱས།། སྐྱེ་བཞི་འགྲོ་ལྔ་ཁྱོད་ཀྱིས་བྱས།། སྟོན་པ་གསུམ་ཡང་ཁྱོད་ཀྱིས་བཀོད།། བསྟན་པ་གསུམ་ཡང་ཁྱོད་ཀྱིས་བཀོད།། སྡུད་པ
100b2 གསུམ་ཡང་ཁྱོད་ཀྱིས་བཀོད།། དུས་གསུམ་འཁོར་ཡང་ཁྱོད་ཀྱིས་བཀོད།། རང་འབྱུང་ལྔ་ཡང་ཁྱོད་ལས་བྱུང་།། རྒྱན་གྱི་རྒྱུ་ལྔ་ཁྱོད་ཀྱིས་བཀོད།། རང་བཞིན་བཅུ་ཡང་ཁྱོད་ཀྱིས་བསྟན།། ཀུན་བྱེད་རྒྱལ་པོ་བྱང་ཆུབ
100b3 སེམས།། མདོ་ལུང་ཀུན་གྱི་ངོ་བོ་ཁྱོད།། བསྟན་པའི་མེ་ལོང་མུན་སེལ་སྒྲོན།། འཁོར་གྱི་མུན་པ་སེལ་མཛད་པ།། ཁྱོད་ནི་རྒྱལ་བ་ཀུན་གྱི་མེས།། རང་འབྱུང་ཐབས་མཆོག་ཀུན་གྱི་ཡབ།། འབྱུང་གནས་ཤེས་རབ་ཀུན
100b4 གྱི་ཡུམ།། སྤྲོས་པ་མེད་ཅིང་ཞི་བ་མེད།། ངག་ལས་འདས་ཤིང་སྙིང་པོ་མེད།། མཁའ་ལྟར་དག་ཅིང་སྤྱོད་ཡུལ་འདས།། ཀུན་གྱིས་རྟོགས་པར་བྱ་བའི་ཡུལ།། སྒྲོ་སྐུར་འདས་པ་ཆོས་ཀྱི་དབྱིངས།། ཐོག་མ་མཐའ་མ
100b5 དབུས་ལས་འདས།། འཁོར་ལོ་འབྱུང་གནས་སྙིང་པོ་ཅན།། རིན་ཆེན་པདྨའི་སྙིང་པོ་ལྟར།། ཡིད་འཕྲོག་ཚིམ་པ་མེད་པའི་སྐུ།། ཐེག་པའི་སྙིང་པོ་དག་གི་རྒྱན།། སྐུ་གསུང་ཐུགས་ལ་མཚན་མེད་དེ།། བདག་གིས
100b6 རྟོགས་དཀའི་དོན་རྟོགས་པས།། རྒྱལ་བ་ཀུན་གྱི་ཡང་མེས་པོ།། ཀུན་བྱེད་རྒྱལ་པོ་ཁྱོད་ལ་འདུད།། ཅེས་བསྟོད་ཅིང་བསྒྲགས་སོ།། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་སེམས་དཔའ་རྡོ་རྗེ་ལ་འདི་སྐད་ཅེས
iiif viewer powered by OpenSeadragon
