| e-texts navigator |
| Wylie |
100a1 ཆུབ་སེམས།། ང་ནི་མཐའ་ལྟར་ཡོངས་སུ་ཁྱབ་པའི་ཕྱིར།། ཀུན་དང་འབྲེལ་ཞིང་ཡོངས་ཀྱི་དོན་བྱེད་པས།། བཙལ་ཞིང་བསྒྲུབ་པ་ཡོད་པར་ལུང་མི་སྟོན།། ང་ཡི་དོན་འདི་ཁྱོད་ལ་བསྟན་པ
100a2 ཡིས།། བཙལ་ཞིང་བསྒྲུབ་ཏུ་མེད་པར་ངེས་པར་རྟོགས།། སེམས་དཔའ་རྡོ་རྗེས་ཇི་ལྟར་རྟོགས་པ་དེ།། ང་ཡི་འཁོར་ལ་ཁྱོད་ཀྱིས་ལུང་སྟོན་ཅིག། ཀྱེ་ང་ནི་མ་བཙལ་ལྷུན་གྱིས་གྲུབ་པའི་ཕྱིར།། ཇི་ལྟར་རྟོགས་པ་ཁྱེད
100a3 ལ་ལུང་བསྟན་པས།། ཁྱེད་ཀྱིས་ཆོས་ཀུན་པ་ལྟར་རྟོགས་པར་འགྱུར།། དེ་ནས་རྩོལ་བསྒྲུབ་མེད་པར་དབུགས་ཕྱིན་པས།། ཀུན་བྱེད་རྒྱལ་པོ་ཉིད་དུ་ལུང་བསྟན་ཏོ།། དེ་བས་སེམས་དཔའ་རྡོ་རྗེ་དམ་པ་ཡིས།། མ
100a4 བཅོས་བསྐལ་པར་སྦྱངས་པའི་སྐྱེས་བུ་ལ།། འབད་རྩོལ་མེད་པར་ས་ལ་གཞག་པའི་ཕྱིར།། བཙལ་བསྒྲུབ་མེད་པར་རྟོགས་པར་ལུང་སྟོན་ཅིག། ཅེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་ལྷུན
100a5 གྲུབ་བཙལ་དུ་མེད་པར་རྟོགས་པའི་ལེའུ་སྟེ་དྲུག་ཅུ་བརྒྱད་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལ་སེམས་དཔའ་རྡོ་རྗེས་འདི་སྐད་ཅེས་བསྒྲགས་སོ།། ཀྱེ་ཁྱོད་ནི་ཀུན་བྱེད་རྒྱལ་པོ
100a6 སྟེ།། ཇི་ལྟར་སྣང་བའི་ཆོས་རྣམས་ཀུན།། བྱེད་པའི་རྒྱལ་པོ་ཁྱོད་ཀྱིས་བྱས།། མ་ལུས་ཁྱོད་ཀྱིས་ཀུན་བྱས་ཀྱང་།། བྱེད་པའི་རྒྱལ་པོ་ཁྱོད་ཉིད་ལ།། བྱ་མི་དགོས་ཏེ་གདོད་ནས་གྲུབ།། དུས་གསུམ་སངས་རྒྱས་ཁྱོད
iiif viewer powered by OpenSeadragon
