| e-texts navigator |
| Wylie |
9b1 འདས་ན་འཆིང་བར་འགྱུར།། ཞེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། ཐབས་དང་ཤེས་རབ་ཀྱི་དབང་བསྐུར་བའི་ལེའུ་སྟེ་དྲུག་པའོ།། །། དེ་ནས་ཡང་དག་བཤད་བྱ་བ།། རྡོ་རྗེ་ཆོས་ཀྱི་བློ་གྲོས
9b2 ཉོན།། གསང་བའི་དབང་བསྐུར་བསྟན་པར་བྱ།། ངོ་བོ་ངེས་ཚིག་དབྱེ་བ་དང་།། མཐུན་པའི་དཔེ་དང་བསྐུར་གནས་དང་། རྫས་དང་ཡོན་ཏན་འབྲས་བུའོ།། ངོ་བོ་བདེ་བ་ཉམས་མྱོང་བའོ།། ངེས་ཚིག་ཤེས་རབ་སྙིང
9b3 རྗེ་ཡིས།། བདེ་བའི་ཡེ་ཤེས་བསྐྱེད་ཕྱིར་ཡིན།། དབྱེ་བ་ཕྱི་ནང་གསང་བའོ།། མཐུན་དཔེ་འབྲས་ཆང་བླུད་པ་འདྲ།། དེ་ཡིས་ཤེས་པ་འགྱུར་བའོ།། གནས་ནི་རི་ཕུག་དགོན་ཕྱིའི་དང་།། ནང་གི་ཤེས་རབ་པདྨ
9b4 དང་།། གསང་བའི་ཤེས་རབ་ཡེ་ཤེས་སོ།། རྫས་ནི་བྱང་སེམས་དཀར་དམར་རོ།། ཡོན་ཏན་ཡེ་ཤེས་དགོངས་པ་འཆར།། དུས་ནི་དབང་གཉིས་རྫོགས་ནས་ནི།། དཀྱིལ་འཁོར་ཚོགས་དང་རང་ལུས་ཤེས་རབ
9b5 མོའི།། བསྐུར་ཚུལ་ལུས་ཀྱི་ཡན་ལག་གནད་དུའོ།། འབྲས་བུ་མ་རིག་ལོག་རྟོག་སེལ།། ད་ནི་ནང་གི་གསང་དབང་བསྟན།། སྣང་བ་རྩད་ནས་ཆོད་པ་ཤེས་རབ་དབང་།། རང་སྣང་ཡེ་ནས་ཤེས་པ་ཡེ་ཤེས་དབང་།། ཕྱི
9b6 ནང་ཟང་ཐལ་ཤར་བ་ངོ་བོ་ཡིན།། རིག་པ་རང་སར་གྲོལ་བ་ངེས་ཚིག་ཡིན།། ཡེ་ཤེས་རང་བྱུང་རང་ཤར་ཤེས་པ་དབྱེ་བ་ཡིན།། ཉི་ཤར་མུན་པ་དངས་པ་མཐུན་དཔེ་ཡིན།། རིག་པ་རང་ལ་གནས་པ་དགོས་པ
iiif viewer powered by OpenSeadragon
