| e-texts navigator |
| Wylie |
9a1 ཚིག་ཕྱག་རྒྱ་ཡིན།། དགའ་བྲལ་ཕྱག་རྒྱ་ཆེན་པོ་ཡིན།། དེ་ལ་ནི་ལུས་ཀྱི་ཕྱག་རྒྱ་ཡིན།། རྟེན་ནི་མ་ནིང་ལ་སོགས་མ་ཡིན་པའོ།། དུས་ནི་བཅུ་དྲུག་ལོན་པའོ།། ཡོན་ཏན་ཡེ་ཤེས་བཞི་དང་ལྡན།། འབྲས
9a2 བུ་ཕྱག་རྒྱ་ཆེན་པོར་ལྷུན་གྱིས་གྲུབ་པའོ།། ནང་གི་ཐབས་དང་ཤེས་རབ་དབང་བསྐུར་རྫོགས།། རིག་པ་ཡབ་ལ་སྣང་བ་ཡུམ།། སྣོད་བཅུད་གཉིས་མེད་སྦྱོར་བ་ཡིས།། ཐབས་དང་ཤེས་རབ་དབང
9a3 མཆོག་ཐོབ།། ཐབས་དང་ཤེས་རབ་རྒྱ་མ་ཆད།། ཕྱི་ནང་མེད་པའི་དབང་བསྐུར་རྫོགས།། རྟེན་ནི་བླ་མ་དམ་པའོ།། དུས་ནི་རྟོག་པ་སྐད་ཅིག་ལ།། ཡོན་ཏན་མཚན་མ་རང་སར་གྲོལ།། འབྲས་བུ་སྣང་སྲིད་ཐིག་ལེར
9a4 འབར།། ཡང་གསང་ཐབས་དང་ཤེས་རབ་དབང་བསྐུར་བ།། རང་གསང་ཟབས་ཀྱིས་ཆོད་པ་དེ།། རང་ནི་ཤེས་རབ་དབང་བསྐུར་བ།། ཆོད་པ་ཐབས་ཀྱི་དབང་བསྐུར་དང་།། ཐབས་དང་ཤེས་རབ་དབང་བསྐུར
9a5 རྫོགས།། རྟེན་ནི་མ་རིག་མ་རྟོགས་པ།། དུས་ནི་ལེ་ལོ་མ་རིག་མ་རྟོགས་ལོག་རྟོགས་དང་།། ཕྱོགས་རྟོགས་གང་ཟག་རྣམས་ལ་བསྐུར།། ཡོན་ཏན་ཀུན་མཁྱེན་ཡེ་ཤེས་ཐོབ།། འབྲས་བུ་རང་བྱུང་ཐིག་ལེར
9a6 བརྡལ།། དཀྱིལ་འཁོར་གང་དང་འབྲེལ་ཅེ་ན།། ཀུན་འབྱུང་རང་སྣང་དཀྱིལ་འཁོར་དང་།། སྦྲེལ་པ་མེད་པར་འབྲེལ་པ་ནི།། རིག་པའི་ཡེ་ཤེས་ལྷ་ཆེན་ཕོབ།། དམ་ཚིག་པར་མཚམས་མེད་པར་བསྲུང་།། དེ་ལས
iiif viewer powered by OpenSeadragon
