| e-texts navigator |
| Wylie |
99b1 རོལ་པར་ཤར་བའི་ཕྱིར།། སྟོང་ཉིད་གསང་སྒོ་འབྱེད་པའི་རྟགས།། མཐུན་དང་མི་མཐུན་སྣང་བ་ཡི།། ཡང་དག་དོན་ཚོལ་ཐེག་པ་ཡང་།། གཅིག་ལ་རྣམ་གྲངས་ཕྱེ་བ་ཡིན།། གཟུགས་དང་སྒྲ་དང་དྲི་དང་རོ།། རེག་བྱ
99b2 ལ་སོགས་འདོད་ཡོན་ལྔ།། སྐྱེ་མེད་དབྱིངས་ཀྱི་རྒྱན་ཡིན་པས།། གཞི་ནས་ཤར་ཏེ་དགག་ཏུ་མེད།། དྲན་པའི་དབང་པོས་བཅད་པ་དང་།། མ་དྲན་རྨོངས་པའི་གཏི་མུག་དང་།། ཡུལ་གྱི་རྟོག་པས་བསླང་བ
99b3 དང་།། གཉེན་པོ་བསྟེན་པའི་འདུ་བྱེད་དང་།། མི་མཐུན་སྤོང་བའི་རྩོལ་སེམས་དང་།། སེམས་ལས་ལྷག་པའི་བོགས་འདོད་པ།། རྣམ་པར་ཐར་པའི་དོན་ལ་བསྒྲིབས།། དོན་ལ་བསྒྲིབ་པ་མི་མངའ་ཡང་།། རྐྱེན་གྱིས
99b4 ལོག་པར་སྣང་བ་ཡིན།། ནམ་མཁའི་ངང་ལ་སྒྲིབ་མེད་ཀྱང་།། གློ་བུར་ཆོ་འཕྲུལ་ནམ་མཁའི་གེགས།། ཆོས་ཉིད་རང་ལ་སྒྲིབ་མེད་ཀྱང་།། རང་ངོ་མ་ཤེས་སྒྲིབ་དང་གེགས།། རྒྱུ་ལ་སྤྱོད་པ་རྒྱུ་ཡི་གེགས།། རྐྱེན་ལ་སྤྱོད
99b5 པ་རྐྱེན་གྱི་གེགས།། འབྲས་བུར་ཞེན་པ་འབྲས་བུའི་གེགས།། རྒྱུ་རྐྱེན་མེད་པའི་ཆོས་ཉིད་ལ།། སྣང་བའི་སྒོ་མོ་མ་འགགས་པས།། རྒྱུར་ཡང་སྣང་སྟེ་རྐྱེན་དུ་སྣང་།། འབྲས་བུ་སྣང་ཞེན་མེད་པས་ན།། སྣང་ཡུལ་ཞེན་པ
99b6 ཀུན་དང་བྲལ།། སྟོང་ཉིད་ཡངས་པའི་ཧོ་ཁུང་དུ།། བརྗོད་པའི་ཚིག་ཀྱང་རྣམ་པར་དག། སྣང་བའི་ཡུལ་ཡང་རྣམ་པར་དག། ཞེན་པའི་མཐུ་ཡང་རྣམ་པར་དག། སྤོང་བའི་ལམ་ཡང་རྣམ་པར་དག། སྤང་བྱའི་ཉོན
iiif viewer powered by OpenSeadragon
