| e-texts navigator |
| Wylie |
99a1 བདུན་པའོ།། །། དེ་ནས་ཡང་བཅོམ་ལྡན་འདས་ཀྱིས་སླར་གསུངས་པ། ཅིར་ཡང་སྣང་བའི་ཆོས་ཉིད་ལ།། སྣ་ཚོགས་འབྱུང་བ་དབྱིངས་ཀྱི་རྒྱན།། མུ་མཐའ་མེད་པའི་ཆོས་ཉིད་ལ།། མཐའ
99a2 ཡས་སྣང་བ་རང་གི་རྒྱན།། བརྗོད་དུ་མེད་པའི་ཆོས་ཉིད་ལ།། རྣམ་གྲངས་འབྱུང་བ་ངོ་མཚར་ཆེ།། སྐྱེ་འགག་མེད་པའི་ཆོས་ཉིད་ལ།། དུས་གསུམ་མེད་པ་ངོ་མཚར་ཆེ།། དམིགས་སུ་མེད་པའི་ཆོས་ཉིད་ལ།། དོན
99a3 རྣམས་འགྲུབ་པ་རང་གི་མཐུ།། གཞི་རྩ་མེད་པའི་ཆོས་ཉིད་ལ།། ཟད་མཐའ་མེད་པ་ཡེ་ཤེས་ཀློང་།། འཕོ་འགྱུར་མེད་པའི་ཆོས་ཉིད་ལ།། ཐོགས་པ་མེད་པ་རང་གི་རྩལ།། གང་མཐོང་ཆོས་ཉིད་ཅེར་མཐོང་ལ།། སྒྲིབ
99a4 གཡོགས་མེད་པ་ངོ་མཚར་ཆེ།། འབྱུང་བ་ཆོས་ཉིད་ཡེ་སངས་རྒྱས།། ཅིར་ཡང་མ་ངེས་རོལ་པའི་རྩལ།། ཆོ་འཕྲུལ་མེད་ཀྱང་རང་གི་རྒྱན།། བཏང་སྙོམས་ཆེན་པོ་དབྱིངས་ཀྱི་ཀློང་།། ཏིང་འཛིན་བརྒྱ་ཕྲག་བསམ་ཡས
99a5 སྒོ།། སྡུད་པར་བྱེད་པ་དབྱིངས་ཡིན་པས།། སྤྲོ་བ་ཀློང་ཆེན་རང་གི་མཐུ།། འཆར་བར་བྱེད་པ་དབྱིངས་ཡིན་ཏེ།། དག་པར་བྱེད་པ་སེམས་ཀྱི་ཀློང་།། ཀློང་ཡངས་ནམ་མཁའི་ཆོ་འཕྲུལ་ནས།། བྱིན་རླབས་ཆར་བཞིན
99a6 བབས་པ་དང་།། ཡོན་ཏན་སྤྲིན་བཞིན་འཐིབས་པ་དང་།། དེ་ཡི་བྱིན་རླབས་དེ་ལ་སྣང་།། མཚན་མ་མེད་ལས་དངོས་པོར་འགྱུར།། མེད་པའི་དོན་ལས་སྣང་བ་ཡིས།། དབྱིངས་དང་སྣང་སྲིད་ཆོ་འཕྲུལ་ཀྱང་།། མ་ངེས
iiif viewer powered by OpenSeadragon
