| e-texts navigator |
| Wylie |
98b1 དག་ཆོས་ཀྱི་དབྱིངས།། ནམ་མཁའ་བཞིན་ཏེ་མཐའ་མེད་པས།། གོལ་ས་མེད་དེ་གཡང་ས་དག། གོལ་ས་གཡང་ས་བཏགས་པ་ཡང་།། དོན་ལ་ཡོད་པ་མ་ཡིན་ཏེ།། བཀྲི་དྲང་དོན་དུ་བསྟན་པ་ཙམ།། དགེ་དང་མི
98b2 དགེའི་ལས་རྣམས་ཀུན།། སྤྱད་པས་འབྲས་བུ་མི་འབྱུང་སྟེ།། རྒྱུ་འབྲས་ཅན་ལ་བསྟན་པར་ཟད།། གལ་ཏེ་རྒྱུ་འབྲས་བདེན་ཟེར་ན།། རྒྱུ་དེས་འབྲས་བུ་བྱས་མ་བྱས།། བྱས་ན་འབྲས་བུར་རྒྱུར་གྱུར་པས།། གོ་ལོག་པ
98b3 ཡི་སྐྱོན་དུ་འགྱུར།། གལ་ཏེ་འབྲས་བུ་མ་བྱས་ན།། དེ་ལས་བྱུང་བའི་འབྲས་བུ་དེས།། ཕྱི་མ་བསྐྱེད་པར་མི་ནུས་པས།། རྒྱུ་འབྲས་ཆད་ཕྱིར་འབྲས་མི་འགྲུབ།། བསྐྱེད་བྱ་སྐྱེད་བྱེད་མེད་པས་ན།། རྒྱུ་འབྲས་བདེན་པར
98b4 ཡོད་མི་འགྲུབ།། དེས་ན་རྒྱུ་འབྲས་གློ་བུར་ཆོས།། རང་བྱུང་དོན་ལ་རྒྱུན་ཆད་མེད།། སྐུ་གསུམ་རྒྱུན་ཆད་མེད་པ་ལ།། ཡོན་ཏན་རྒྱུན་ཆད་མེད་པར་འབྱུང་།། ཉོན་མོངས་ཡེ་ཤེས་དབྱེར་མི་ཕྱེད།། མ་ཤེས་པ་ལ་ཁམས
98b5 གསུམ་སྟེ།། དེ་ཤེས་པ་ལ་སྐུ་གསུམ་ཀློང་།། ཡེ་ནས་ཡིན་པས་བཙལ་མི་དགོས།། དེ་མ་ཤེས་ལ་དུག་གསུམ་སྟེ།། དེ་ཤེས་ཡེ་ཤེས་བདུད་རྩི་ཡིན།། རང་ལས་བྱུང་བས་སྤངས་མི་དགོས།། མ་སྤངས་རང་གྲོལ་ཆོས་ཀྱི
98b6 སྐུ།། ཡེ་ནས་ཡིན་པས་བསྒྲུབ་མི་དགོས།། མ་བསྒྲུབས་ལྷུན་གྲུབ་ཆོས་ཀྱི་སྐུ།། ཞེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས། རྒྱུ་འབྲས་སུན་དབྱུང་ཞིང་སྐུ་གསུམ་ངོ་སྤྲད་པའི་ལེའུ་སྟེ་ཉི་ཤུ་རྩ
iiif viewer powered by OpenSeadragon
