| e-texts navigator |
| Wylie |
98a1 སངས་རྒྱས་ཀྱང་།། སྟོར་བྲལ་མེད་པ་དེ་ཡི་དང་།། འདུ་འབྲལ་མེད་པར་དེ་ན་བཞུགས།། དེ་ལ་འཕེལ་འགྲིབ་མེད་པས་ན།། ཁམས་གསུམ་གནས་པའི་སེམས་ཅན་ཀུན།། སྐད་ཅིག་མ་ཡི་ཚོད་ཙམ
98a2 ལ།། དུས་གཅིག་དག་ཏུ་སངས་རྒྱས་ཀྱང་།། དེ་ལ་མང་དུ་གྱུར་པ་མེད།། སེམས་ཅན་ཉུང་ངུ་མི་འགྲོ་སྟེ།། རྒྱུ་རྐྱེན་འབྲས་བུར་གཅིག་པས་ན།། དབྲི་བསྣན་འཕེལ་འགྲིབ་མེད་པར་གནས།། རྒྱུ་རྐྱེན་འབྲས་བུར
98a3 བཏགས་པ་ཡང་།། གློ་བུར་ཆོས་ཏེ་གཞི་མེད་པས།། ཀུན་གཞི་མེད་ཅིང་སྒྲིབ་པ་མེད།། དབྱིངས་ལ་བག་ཆགས་གནས་མེད་པས།། གཞག་པར་བྱ་བའི་གཞི་མེད་ཕྱིར།། བདེ་གཤེགས་རྒྱལ་བ་མཆོད་པ་དང་། ཁམས
98a4 གསུམ་སེམས་ཅན་བསད་པ་དང་།། དགེ་སྡིག་ལུང་མ་བསྟན་གྱི་ཆོས།། དཀར་ནག་ལས་ལ་རྗེས་མེད་པས།། བྱ་ལམ་བཞིན་དུ་རང་གྲོལ་འགྱུར།། དེ་ཡང་དབྱིངས་ཀྱི་རང་བཞིན་ཆོས།། དབྱིངས་ནི་ཟད་མཐའ་མེད
98a5 པ་སྟེ།། འབྱུང་བ་ལྔ་པོ་དབྱིངས་ལས་ཤར།། ཕྱི་ནང་སྣོད་བཅུད་ཐམས་ཅད་དང་།། འདོད་ཡོན་ལྔ་དང་དུག་ལྔ་དང་།། དབྱིངས་ཀྱི་ཆོ་འཕྲུལ་ཡིན་པས་ན།། ཐེར་ཟུག་དག་ཏུ་མི་གནས་ཏེ།། རྒྱ་མཚོ་དག་དང་རླབས
98a6 བཞིན་ནམ།། ནམ་མཁའི་དབྱིངས་སུ་སྤྲིན་དེངས་བཞིན།། རྗེས་མེད་ཀློང་དུ་ཐིམ་པས་ན།། འཁོར་འདས་ཀུན་གྱི་དུར་ས་ཡིན།། མྱ་ངན་འདས་པའི་ལམ་པོ་ཆེ།། བྱང་ཆུབ་སེམས་ནི་ཀུན་གྱི་གཞི།། ཀུན་གཞི་རྣམ
iiif viewer powered by OpenSeadragon
