| e-texts navigator |
| Wylie |
97b1 ནས།། འཇུག་སྒོ་ནོར་བའི་ལམ་བཀག་སྟེ།། སྐྱེ་འགག་མེད་པའི་ཀློང་དུ་གྲོལ།། ཡེ་ནས་གྲོལ་བ་རྒྱུན་མི་འཆད།། ཆོས་ཉིད་སྐྱེ་འགག་མེད་པ་ལ།། འགྱུར་ཞིང་འཇིག་པའི་ཆོས་སུ་མཐོང་།། སྐྱེ་ཤི་མེད་པའི་དོན་ཚོལ
97b2 བས།། ཨ་ཏི་གདམས་ངག་འཕྲང་དུ་ཚུད།། ཕྲ་བའི་དོན་ལ་ཆགས་ཆགས་ནས།། ཉམས་མྱོང་གོ་རྟོགས་དགྲར་ལངས་ཏེ།། རང་གྲོལ་ཆེན་པོ་མདུད་པས་བཅིངས།། ཆོས་ཉིད་གནད་ལ་ཕེབས་པ་ཡིས།། གདམས་ངག
97b3 འཕྲང་ཀ་དེ་བསྡམས་ནས།། བཟང་རྟོག་སྙམ་བྱེད་སྒོ་བཀག་སྟེ།། སྐྱེ་འགག་མེད་པའི་ཀློང་དུ་གྲོལ།། ཡེ་ནས་གྲོལ་བ་རྒྱུན་མི་འཆད།། སྐུ་གསུམ་རྒྱུན་ཆད་མེད་པ་ཡིས།། འགག་མཐའི་ཞེན་པ་རང་སར་གྲོལ།། རང
97b4 གྲོལ་མ་བཅོས་ཆོས་ཀྱི་དབྱིངས།། འདས་པའི་སངས་རྒྱས་གྲངས་མེད་ཀྱང་།། སྐྱེ་མེད་དེ་རུ་མངོན་སངས་རྒྱས།། མ་བྱོན་སངས་རྒྱས་གྲངས་མེད་ཀྱང་།། འགག་པ་མེད་པར་ཡེ་སངས་རྒྱས།། ད་ལྟར་སངས་རྒྱས
97b5 གྲངས་མེད་ཀྱང་།། སྐྱེ་འགག་མེད་པའི་ཀློང་ན་བཞུགས།། དེ་ཡི་ཡོན་ཏན་བསམ་མི་ཁྱབ།། ཡེ་ཤེས་ཕྱོགས་མེད་རང་ལས་འཆར།། སྤྲུལ་པ་ཕྱོགས་མེད་རང་ལས་འགྱེད།། དབྱིངས་ལས་རང་བྱུང་ངོ་མཚར་ཆེ།། རིན
97b6 པོ་ཆེ་ལས་དགོས་འདོད་དམ།། ནམ་མཁའི་ཀློང་དང་ཆོ་འཕྲུལ་བཞིན།། རང་བྱུང་རང་ཞི་ཀློང་དུ་ཐིམ།། དབྱིངས་ལ་སྟོར་བྲལ་མེད་པ་དང་།། ཁམས་གསུམ་གནས་པའི་སེམས་ཅན་དང་།། དུས་གསུམ་བཞུགས་པའི
iiif viewer powered by OpenSeadragon
