| e-texts navigator |
| Wylie |
97a1 དང་ཐུགས་རྗེའི་སྦྱོར་བ་དང་།། གང་ལ་ཅི་འདུལ་ཤེས་པའི་ཕྱིར།། ཁྱད་པར་སྔགས་ཏེ་ཆེ་བ་ཡིས།། སྐུ་གསུམ་སེམས་ཀློང་དེ་ཡི་རྩལ།། མི་མཐུན་གཉེན་པོ་དེ་ལ་མེད།། གཅིག་པུ་ཆེ་མཆོག་ཆོས་ཀྱི
97a2 སྐུ།། ཞེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས། སྐུ་གསུམ་རང་ལ་བསྟན་པའི་ལེའུ་སྟེ་ཉི་ཤུ་རྩ་དྲུག་པའོ།། །། དེ་ནས་ཡང་བཅོམ་ལྡན་འདས་སྟོན་པའི་རྒྱལ་པོས་འཁོར་རྣམས་ལ་ཟབ
97a3 མོའི་དོན་བཀའ་སྩལ་པ།། ཆོས་དབྱིངས་རྣམ་པར་དག་པའི་ཀློང་།། ཡངས་པ་ཆེན་པོར་ཀུན་གྲོལ་ཡང་།། རང་བཞིན་མ་ཤེས་རོལ་པ་ལ།། ཞེན་བློ་བརྟས་པའི་རྟོག་པ་ཡིས།། འགྲོ་དྲུག་སྡུག་བསྔལ་འཕྲང་དུ
97a4 ཚུད།། སྐྱེ་ཤི་མེད་ལ་སྐྱེ་ཤིར་མཐོང་།། གནས་སྐབས་སྡུག་བསྔལ་བསམ་མི་ཁྱབ།། མེད་ལ་ཡོད་མཐོང་འཁྲུལ་པ་སྟེ།། ཚོགས་དྲུག་གནད་ལ་ཕེབས་པ་ཡིས།། སྡུག་བསྔལ་འཕྲང་ཀ་དེ་བསྡམས་ནས།། སྐྱེ་གནས་བཞི
97a5 ཡི་སྒོ་བཀག་སྟེ།། སྐྱེ་འགག་མེད་པའི་ཀློང་དུ་གྲོལ།། ཡེ་ནས་གྲོལ་བ་རྒྱུན་མི་འཆད།། དེ་ལས་ཆེར་རྒྱས་རྟོག་པ་ཡིས།། མི་རྟོག་བསྒོམ་པའི་གཉེན་པོ་བསྟེན།། ལམ་ལ་ཕྱོགས་འཛིན་འཕྲང་ལ་ཚུད།། མེད་པའི་དོན
97a6 ལ་ནན་གྱིས་རྩོལ།། རྒྱུ་འབྲས་དོན་ལ་སྒྲོ་སྐུར་འདོགས།། ལུས་ངག་ཡིད་གསུམ་རྩོལ་བས་བཅིངས།། གཞན་ནས་ཚོལ་བ་ནོར་བའི་ལམ།། གྲུབ་མཐའ་གནད་ལ་ཕེབས་པ་ཡིས།། ཕྱོགས་འཛིན་འཕྲང་ཀ་དེ་བསྡམས
iiif viewer powered by OpenSeadragon
